ডিজিটেল ডেস্কঃ প্ৰেমত প্ৰতাৰণা কৰাৰ বাবেই প্ৰেমিকৰ ঘৰ জ্বলাই দিলে এগৰাকী যুৱতীয়ে। ঘটনাটো সংঘটিত হৈছে থাইলেণ্ডৰ পাটায়া চহৰত। জুইৰ মাজৰ পৰা আক্ৰান্ত ওই নামৰ যুৱকগৰাকীক উদ্ধাবৰ কৰিবলৈ সক্ষম হয় অগ্নিনিৰ্বাপক বাহিনীয়ে।
২৫ বছৰ বয়সীয়া ডনলায়া নালি নামৰ যুৱতীগৰাকীৰ স’তে ৩৩ বছৰ বয়সীয়া আক্ৰান্ত ওইৰ সম্পৰ্ক দীৰ্ঘদিনৰ। সম্পৰ্কৰ আৰম্ভণিৰে পৰা দুয়োৱে একেটা এপাৰ্টমেণ্টতে থাকিবলৈ লৈছিল। ডনলায়া এটা বেচৰকাৰী সংস্থাৰ কৰ্মী। আনহাতে, তেওঁৰ প্ৰেমিক এটা তথ্যপ্ৰযুক্তি সংস্থাৰ কৰ্মী।
জানিব পৰামতে, প্ৰথমে দুয়োেৰে মাজত আন্তৰিকতা থাকিলেও কিছু মাহ পাছতে মনোমালিন্য ঘটিবলৈ ধৰে। ডনলায়াই সকলো সময়তে প্ৰেমিকৰ ওপৰত চাপ দি থাকিব ধৰে। তাত প্ৰেমিক আক্ৰান্তৰ সমস্যা হ’ব ধৰে। ক্ৰমে দূৰ হৈ যায় দুয়ো।
প্ৰেমৰ সম্পৰ্কটো ইমানেই তিক্ত হ’বলৈ ধৰে যে ডনলায়াৰ অনুপস্থিতিত তেওঁৰ প্ৰেমিকে আন যুৱতীৰ স’তে সম্পৰ্কত সোমাই পৰে। তাতে প্ৰচণ্ড ক্ষোভিত হৈ পৰে ডনলায়া। মদ্যপান কৰিব ধৰে তেওঁ।
মদৰ নিচাতে এদিন গৈ তেওঁ প্ৰেমিকৰ ঘৰত উপস্থিত হয়। লগালগ জুইশলা কাঠিৰে প্ৰেমিক আক্ৰান্তৰ ঘৰ জ্বলাই বাহিৰলৈ ওলাই আহ। সেই সময়ত আক্ৰান্ত শুই আছিল। ডনলায়াৰ কাণ্ডৰ কথা জনা নাছিল।
হঠাৎ সাৰ পাই দেখে যে তেওঁৰ ঘৰটো দাও দাওকৈ জ্বলি উঠিছে। কোনো মতে তেওঁ বাহিৰলৈ ওলাব পাৰে। বাহিৰতে ডনলায়াক দেখিবলৈ পায়।
তাৰপাছতে লগালগ আৰক্ষীক ফোন কৰে আক্ৰান্তই। ডনলায়াৰ নামত অভিযোগ দাখিল কৰে। তাৰপাছতে যুৱতীগৰাকীক আটক কৰে আৰক্ষীয়ে। আৰক্ষীৰ আগত ডনলায়াই সকলো কথা স্বীকাৰ কৰিছে।
Continue Reading
