ডিজিটেল ডেস্কঃ পাকিস্তানৰ প্ৰাক্তন প্ৰধানমন্ত্ৰী ইমৰান খানে এগৰাকী অজ্ঞাত মহিলাৰ সৈতে "অশালীন কথোপকথন" কৰাৰ অডিঅ’ টেপ কেইবাটাও ছ'চিয়েল মিডিয়া প্লেটফৰ্মত ভাইৰেল হোৱাৰ পিছত বিতৰ্কৰ সৃষ্টি হৈছে৷ পাকিস্তানী সংবাদ মাধ্যম আৰু খানৰ সৈতে ঘনিষ্ঠ সাংবাদিকে দাবী কৰিছে যে "লিক হোৱা অডিঅ'ত পুৰুষৰ কণ্ঠস্বৰ প্ৰাক্তন প্ৰধানমন্ত্ৰীগৰাকীৰ সৈতে মিল আছে।
প্ৰথমতে অডিঅ'টো চৈয়দ আলী হায়দৰ নামৰ এজন পাকিস্তানী সাংবাদিকে তেওঁৰ ইউটিউব একাউণ্টত আপলোড কৰিছিল আৰু পৰৱৰ্তী সময়ত সেয়া ফেচবুক আৰু টুইটাৰত ভাইৰেল হৈ পৰে। সাংবাদিকজনে শেহতীয়াকৈ ৰেকৰ্ড কৰা বুলি দাবী কৰা প্ৰথম অডিঅ'টোত এগৰাকী মহিলাক কোৱা শুনা যায় যে তেওঁ ইমৰাণক লগ কৰিবলৈ আহিব নোৱাৰে ৷ কাৰণ সেইদিনা তেওঁৰ "দেহত বিষত হৈ আছে" , সেয়ে পাৰিলে পিছদিনা তেওঁক লগ পাব পাৰে।
ইমৰাণ খান বুলি সন্দেহ কৰা এজন পুৰুষক কোৱা শুনা যায়, "... মোৰ পৰিয়ালথাকিলে এয়া সম্ভৱ হয় নে নাই চাম, আৰু শিশুসকলো আহি আছে। মই তেওঁলোক অহাটো পলম কৰিবলৈ হ'বলৈ চেষ্টা কৰিম। মই কাইলৈ তোমাক জনাম।" আন এটা অডিঅ'ত ইমৰানে মহিলাগৰাকীক তেওঁৰ যৌন আকাংক্ষাৰ বিষয়ে অশালীন প্ৰশ্ন কৰা শুনা গৈছে। আনহাতে মনচুৰ আলী খান নামৰ আন এজন সাংবাদিকে এটা ফেচবুক ভিডিঅ'ত দাবী কৰিছে যে তেওঁ লিক হোৱা অডিঅ'টোত থকা বেনামী মহিলাগৰাকীক চিনি পায়। অৱশ্যে তেওঁ ছ'চিয়েল মিডিয়াৰ ভিডিঅ'ত মহিলাগৰাকীৰ নাম উল্লেখ কৰা নাই।
ইফালে ইমৰান খানৰ দল পাকিস্তান তেহৰিক-ই-ইনচাফে (পিটিআই) সাংবাদিক দুজনৰ দাবী খণ্ডন কৰিছে আৰু প্ৰাক্তন প্ৰধানমন্ত্ৰীৰ চৰিত্ৰত কালিমা সানিবলৈ এনে কৰা হৈছে বুলি কৈছে৷ পিটিআইৰ নেতা ড০ আৰ্ছলান খালিদে কয় যে অডিঅ' ক্লিপবোৰ 'ভুৱা'৷ খান বৰ্তমান পাকিস্তানৰ প্ৰধানমন্ত্ৰী নহ'লেও কেইবাটাও বিতৰ্কত সাঙোৰ খাই পৰিছে।
Continue Reading
