পৰি ৰৈছে শাৰী শাৰী মৃতদেহ, মোদীৰ আগমণৰ বাবেই নতুনকৈ ৰং কৰা হৈছে মৰবিৰ চিকিৎসালয়

কিন্তু শোকৰ মুহূৰ্ত এটাত কিয় কেৱল মোদীৰ আগমণৰ বাবেই চিকিৎসালয় খন ৰং কৰা হৈছে তাকে লৈ বহুতে প্ৰশ্ন উত্থাপন কৰিছে।বিৰোধীয়ে মৰবিৰ চিকিৎসালয়ত ৰং কৰাৰ কথাটোকলৈ মোদীৰ চৰকাৰক উভতি ধৰিছে। বিৰোধীয়ে কৈছে যে  প্ৰধানমন্ত্ৰী চিকিৎসালয়লৈ আহিব বাবেই দেৱালবোৰ ৰাতিটোৰ ভিতৰতে ৰং কৰা হৈছে ,যাতে সমগ্ৰ দেশৰ দুৰ্বল অৱস্থাটো উন্মোচিত নহয়।

প্ৰধানমন্ত্ৰী  নৰেন্দ্ৰ মোদীয়ে মঙলবাৰে মবৰীত দলং দুৰ্ঘটনাত আহতসকলৰ খবৰ ল’বলৈ  চিকিৎসালয়খন পৰিদৰ্শন কৰিব। ইয়াৰ পূৰ্বে  চিকিৎসালয়ৰ দেৱালবোৰ ৰং কৰা হৈছে। কংগ্ৰেছ আৰু আপে নেটত চিকিৎসালয় খন ৰং কৰাৰ ফটো আৰু ভিডিঅ' পোষ্ট কৰিছে । টুইটাৰত  পোষ্ট কৰা ফটোত  দেখা গৈছে যে কিছুমান লোকে চিকিৎসালয়ৰ দেৱাল ৰং কৰি আছে। এনে ছবি পোষ্ট কৰি কংগ্ৰেছে লিখিছে, "এয়া এক ট্ৰেজেডী। কাইলৈ প্ৰধানমন্ত্ৰী মৰ্বিৰ চিকিৎসালয়লৈ আহিব। তাৰ আগতে, দেৱালবোৰ ৰং কৰা হৈছে। টাইলছবোৰ মজিয়াত লগোৱা হৈছে। এই অনুষ্ঠানৰ উদ্দেশ্য হৈছে প্ৰধানমন্ত্ৰীৰ ফটো তোলাত যাতে কোনো অলুবিধা নাথাকে সেয়া নিশ্চিত কৰা। '' কংগ্ৰেছে লগতে কয় "তেওঁলোকে লজ্জিত নহয়। মানুহৰ মৃত্যু হৈছে, আৰু তেওঁলোকে দেৱাল ৰং কৰাত ব্যস্ত হৈ আছে!"

 আপে কয়, "মৰ্বিৰ চিকিৎসালয়ত ৰং কৰি থকা হৈছে। যাতে কাইলৈ প্ৰধানমন্ত্ৰীৰ ফটোশ্বুটৰ সময়ত চিকিৎসালয়খনৰ দুৰ্বল অৱস্থা আনৰ চকুত নপৰে ।মৰবিত ইমান লোকৰ মৃত্যু হোৱাৰ পাছতো চৰকাৰে কোনো ব্যৱস্থা গ্ৰহণ কৰা নাই আৰু অপৰাধীসকলক চিনাক্ত কৰি শাস্তি দিয়া হোৱা নাই বুলি আপে অভিযোগ কৰিছে।