ডিজিটেল ডেস্কঃ বলীউডৰ পৰিচালক অনুৰাগ কাশ্যপৰ বিৰুদ্ধে এইবাৰ ধৰ্ষণৰ অভিযোগ উত্থাপন কৰিলে এগৰাকী মোহময়ী বাঙালী অভিনেত্ৰীয়ে৷ অভিনেত্ৰী পায়েল ঘোষে অনুৰাগৰ বিৰুদ্ধে ধৰ্ষণৰ অভিযোগ উত্থাপন কৰিছে।
এই বিস্ফোৰক অভিযোগটো অভিনেত্ৰীগৰাকীয়ে সামাজিক মাধ্যমত কৰিছে৷ অভিনেত্ৰী পায়েল ঘোষে কৈছে "মই দক্ষিণৰ চলচ্চিত্ৰসমূহত দুজন ৰাষ্ট্ৰীয় বঁটা বিজয়ী আৰু তাৰকা পৰিচালকৰ সৈতে কাম কৰিছো ৷কিন্তু কোনেও মোক অশালীনভাৱে স্পৰ্শ কৰিবলৈ চেষ্টা কৰা নাছিল। বলীউডত অনুৰাগ কাশ্যপে তৃতীয় দৰ্শনৰ সময়তে মোক ধৰ্ষণ কৰিছিল। তাৰ পিছত মোক কওঁক মই ডেক্কানৰ প্ৰশংসা কিয় কৰা উচিত নহয়...?"
মন কৰিব লগীয়া যে দুবছৰ আগতে পায়েল ঘোষে দাবী কৰিছিল যে অনুৰাগে বন্ধ কোঠাত তেওঁৰ কাপোৰ আঁতৰাই তাইৰ সৈতে দুৰ্ব্যৱহাৰ কৰিছিল। ছ'চিয়েল মিডিয়াত পায়েলৰ অভিযোগ প্ৰকাশ পোৱাৰ পিছতে ৰাষ্ট্ৰীয় মহিলা আয়োগে তেওঁক আৰক্ষীৰ ওচৰত অভিযোগ দাখিল কৰিবলৈ পৰামৰ্শ দিছিল। ২০২০ চনৰ ২২ ছেপ্টেম্বৰত পায়েলে অনুৰাগ কাশ্যপৰ বিৰুদ্ধে যৌন নিৰ্যাতনকে ধৰি কেইবাটাও অভিযোগত ভাৰ্ছোভা আৰক্ষী থানাত গোচৰ ৰুজু কৰিছিল।
ইয়াৰ পিছত, মুম্বাই আৰক্ষীয়ে অনুৰাগ কাশ্যপক মাতি পঠিয়াইছিল। পৰিচালকজনে মুম্বাইৰ ভাৰ্ছোভা আৰক্ষী চকীত আঠ ঘণ্টা বহি অনুসন্ধানকাৰীসকলৰ প্ৰশ্নৰ উত্তৰ দিব লগা হৈছিল। পায়েলে অনুৰাগৰ গোচৰত ন্যায়ৰ দাবীত ৰাষ্ট্ৰপতি ৰামনাথ কোবিন্দলৈও এখন পত্ৰ লিখিছিল।এইবাৰ পুনৰ একেগৰাকী অভিনেত্ৰীয়েই পৰিচালক অনুৰাগ কাশ্যপৰ বিৰুদ্ধে ছ’চিয়েল মিডিয়াত উত্থাপন কৰিছে ধৰ্ষণৰ অভিযোগ৷ এই অভিযোগ সন্দৰ্ভত পৰিচালক কাশ্যপৰ প্ৰতিক্ৰিয়া কেনে হয় সেয়া লক্ষ্যণীয় হ’ব৷
Continue Reading
