ডিজিটেল ডেস্কঃ অৰ্ধনগ্ন অৱস্থাত ধুম্ৰপান কৰি আদালতৰ এটা শুনানিত অংশগ্ৰহণ কৰাৰ বাবে বৰ্খাস্ত হ’ল এগৰাকী মহিলা বিচাৰপতি। ঘটনাটো সংঘটিত হৈছে কলম্বিয়াত।
কলম্বিয়াৰ এখন আদালতত এটা গোচৰৰ ভাৰ্চুৱেল শুনানিকালত বিচাৰপতিগৰাকীয়ে বিচনাত শুই শুই অংশগ্ৰহণ কৰিছিল। পিন্ধনত আছিল সামান্য পোছাক, মুখত চিগাৰেট।
তেনেদৰেই তেওঁ শুনানিকালৰ প্ৰশ্নোত্তৰ পৰ্ব পৰিচালনা কৰিছিল। ইয়াৰ বিৰোধিতা কৰে বিৰোধী পক্ষৰ উকিল আৰু অন্যান্যসকলে। সেয়ে আদালতৰ আচৰণ বিধি উলংঘা কৰাৰ অভিযোগত এখন কমিটিয়ে বিচাৰপতিগৰাকীক ৩ মাহৰ বাবে বৰ্খাস্ত কৰা হৈছে। সেই অনুযায়ী ফেব্ৰুৱাৰী মাহলৈকে দৰমহা নাপায় তেওঁ।
সামাজিক মাধ্যমতো ইয়াৰ ভিডিঅ’ বিয়পি পৰিছে। খবৰ অনুযায়ী, ৩৪ বছৰ বয়সীয়া ভিভিয়ান পোলানিয়া নামৰ এইগৰাকী আইনজীৱীয়ে ইয়াৰ পূৰ্বেও এনেধৰণৰ কাণ্ড কৰিছিল।
আনহাতে, সমগ্ৰ কাণ্ডটোৰ সন্দৰ্ভত বিচাৰপতিগৰাকীয়ে কয় যে সেই সময়ত তেওঁৰ মানসিক অৱস্থা ভাল নাছিল। কিন্তু নিজৰ কামৰ প্ৰতি থকা দায়বদ্ধতাৰ বাবেই শুনানিত অংশগ্ৰহণ কৰিছিল।
Continue Reading
