পিতৃ বিয়োগৰ পাছত আছিল ২৭ লাখ টকাৰ ঋণৰ বোজা; বিপৰ্যয়ৰ মাজতো 'নীট'ত কৰিলে আকৰ্ষণীয় ফলাফল

NEET ত সফলতা অৰ্জন কৰাৰ লগে লগে প্ৰেৰণাৰ চকু দুটা সুখৰ চকুলোৰে জিলিকি উঠে। অৱশ্যে দেউতাকৰ মৃত্যুৰ পিছত এসাঁজ আহাৰ খোৱাৰ কথাও চিন্তা কৰিবলগীয়া হোৱা দিনটোৰ কথা তাইৰ এতিয়াও স্পষ্টকৈ মনত আছে। এসময়ত তাইৰ পৰিয়ালটোৱে ৰুটিহআৰু চাটনি খাই জীৱন নিৰ্বাহ কৰিছিল যদিও এই পৰিস্থিতিৰ মাজতে প্ৰেৰণাই নিজৰ সাধনাত অটল হৈ থাকিল। খালী পেটতে তাই অক্লান্তভাৱে অধ্যয়ন কৰিছিল, শেষত NEET ৰ  পৰীক্ষাত সফলতা লাভ কৰিছিল।

আৰু পঢ়ক : ১১৮ কোটি ভুৱা বিল কেলেংকাৰীৰ তদন্ত কৰিব আঞ্চলিক আয়ুক্তই

কোটাৰ মহাবীৰ নগৰত বাস কৰা প্ৰেৰণাই NEET UG ত আকৰ্ষণীয় ৬৮৬ নম্বৰ লাভ কৰিছে যিটো চৰকাৰী চিকিৎসা মহাবিদ্যালয়ত নামভৰ্তিৰ বাবে যথেষ্ট।খবৰ অনুসৰি প্ৰেৰণা দশম শ্ৰেণীত (২০১৮) পঢ়ি থকাৰ সময়ত কৰ্কট ৰোগত আক্ৰান্ত হৈ পিতৃৰ মৃত্যু হয়। তেওঁলোকৰ একক উপাৰ্জনৰ উৎসটো তাচৰ ঘৰৰ দৰে ভাঙি যায়। উপাৰ্জনকাৰী সদস্যজনৰ মৃত্যুৱে পৰিয়ালটোক গভীৰভাৱে স্তম্ভিত কৰি তোলে। তেওঁলোকৰ আৰ্থিক অৱস্থা ভাল নাছিল। তাৰ পাছত, মাকে কাম আৰম্ভ কৰিলে আৰু পৰিয়ালটো চোৱাচিতাৰ দায়িত্ব মূৰ পাতি লয়৷। অৱশ্যে ক’ৰনাই পৰিয়ালটোৰ বাবে আন এক আৰ্থিক সংকট কঢ়িয়াই আনিলে। এই সময়ছোৱাত পৰিয়ালটোৱে আত্মীয়ৰ পৰা সহায় লৈছিল। তাইৰ NEET coaching ৰ বাবে মাকে টকাৰ ব্যৱস্থা কৰিছিল। প্ৰেৰণাই আগতে কোচিং টাইমৰ উপৰিও ১২ ঘণ্টা বেলেগক পঢ়াইছিল।

প্ৰেৰণাৰ মাকে ল’ৰা-ছোৱালীৰ পঢ়া-শুনাৰ বাবে প্ৰায় দুই লাখ টকাৰ ঋণ লৈছিল। হোম লোন প্ৰদান কৰা বেংকৰ পৰাও গোচৰৰ সন্মুখীন হৈছে। চাৰিও ভাই-ভনীয়ে নিজৰ কঠোৰ পৰিশ্ৰমেৰে নিজৰ যোগ্যতা প্ৰমাণ কৰিছে। প্ৰেৰণাৰ জ্যেষ্ঠ ভগ্নী অনমিকাই বি.এড কৰি আছে, ভাতৃ মানৱেন্দ্ৰই জে ই ই মেইনৰ পৰা এন আই টিত স্থান লাভ কৰিছে আৰু সৰু ভাতৃ বিজয়ে বি.এছ.চি. পঢ়ি আছে৷আৰু এতিয়া প্ৰেৰণাৰ এই সফলতাই পৰিয়ালটাত সুখৰ বন্যা বোৱাইছে৷