ডিজিটেল ডেস্কঃ উত্তৰ প্ৰদেশৰ কাছগঞ্জৰ নয়ী হাভেলী অঞ্চলৰ বাসিন্দা ৰশ্মি সিঙে পিচিএছ-জেত ৰাজ্যিক মেধাত তৃতীয় স্থান দখল কৰিবলৈ সক্ষম হৈছে। জিলাখনলৈ গৌৰৱ কঢ়িয়াই অনা ৰশ্মি সিঙে প্ৰথম প্ৰচেষ্টাতে এই সফলতা লাভ কৰিছে। সফলতাৰ বাবেই ৰশ্মি সিঙৰ পৰিয়ালত সুখৰ লহৰৰ সৃষ্টি হৈছে। ৰশ্মিৰ পিতৃ নৰেন্দ্ৰ কুমাৰে মহানগৰীত ইলেক্ট্ৰনিকছৰ ব্যৱসায় চলাই আছে। আনহাতে মাতৃ নেমৱতী এগৰাকী গৃহিণী।
ৰশ্মিয়ে কয় যে তেওঁৰ ইতিমধ্যে এটা অনুভৱ হৈছিল যে কিবা এটা ভাল হ’ব। কাৰণ পি চি এছ জে পৰীক্ষা দি তেওঁ সুখী হৈছিল। এই বিষয়টোৰ সন্দৰ্ভত সফলতাৰ আশা আছিল যদিও ৰাজ্যৰ ভিতৰত তৃতীয় স্থান পাব বুলি ভবা নাছিল। তেওঁ কয় যে আজি তেওঁ পিতৃৰ প্ৰেৰণাৰ বাবেই এই স্থান পাইছে।
ইণ্টাৰমিডিয়েট পৰ্যন্ত মহানগৰীত পঢ়াৰ পিছত ৰশ্মিয়ে আলিগড় মুছলিম বিশ্ববিদ্যালয়ৰ পৰা বি এ এল এল বি কৰে। দিল্লীত কোচিং লৈ ন্যায়িক পৰীক্ষাৰ বাবে প্ৰস্তুতি চলায়। ৰশ্মিৰ সফলতাৰ তথ্য পোৱাৰ পিছতে ৰশ্মিৰ পৰিয়ালত সুখৰ সৃষ্টি হয়। নয়ী হাভেলী অঞ্চলত আনন্দৰ বন্যা বৈছে। সকলোৱে ৰশ্মিক অভিনন্দন জনাইছে। ৰশ্মি সিঙে UP PCS J Exam 2022 ত প্ৰথম প্ৰচেষ্টাতে সফলতা লাভ কৰিছে। ৰশ্মি সিঙে ছ’চিয়েল মিডিয়াত পোষ্টটো শ্বেয়াৰ কৰি নিজৰ ৰেংক সম্পৰ্কে তথ্য দিলে, ৰশ্মিয়ে পোষ্টটোত লিখিছে যে তেওঁ নিজৰ ৰেংকত বহুত সুখী। ৰশ্মি সিঙে নিজৰ সফলতাৰ কৃতিত্ব পিতৃ নৰেন্দ্ৰ কুমাৰক দিছে। ৰশ্মিয়ে কয় যে ১০ বছৰ আগতে তেওঁৰ পিতৃয়ে তেওঁক জজ হ’বলৈ প্ৰেৰণা দিছিল।
ৰশ্মি সিঙে কয় যে দেউতাই মোক সপোন দেখুৱাইছিল আৰু সেই সপোনক মই বাস্তৱ ৰূপ দিলো।
Continue Reading
