ডিজিটেল ডেস্কঃ ২০২২ চনৰ জানুৱাৰী মাহত অভিনেত্ৰী প্ৰিয়ংকা চোপ্ৰাই মাতৃত্ব লাভ কৰিছিল। তেওঁ আৰু নিক জ’নাছৰ কন্যা মালতী মেৰী চোপ্ৰা জোনাছৰ জন্ম হৈছিল চেৰ’গেচিৰ জৰিয়তে। ইয়াৰ পিছতে বিতৰ্কও হৈছিল। কিয় প্ৰিয়ংকাই চেৰ’গেচিৰ জৰিয়তে সন্তান জন্ম দিছিল?
কিন্তু জানেনে, অভিনেত্ৰীগৰাকীয়ে বহু আগতেই সন্তান জন্মৰ প্ৰক্ৰিয়া আৰম্ভ কৰিছিল। শেহতীয়াকৈ অভিনেত্ৰীগৰাকীয়ে নিজেই এই কথা প্ৰকাশ কৰিছে। কয় যে ৩০ বছৰ বয়সৰ পৰাই তেওঁ ডিম্বানু সঞ্চয় কৰিবলৈ আৰম্ভ কৰিছিল। তাৰোপৰি ক’লে যে তেওঁ নিকক বিয়া কৰাবলৈ ইচ্ছুক নাছিল।
প্ৰিয়ংকাই ক’লে, “মই ল’ৰা-ছোৱালীক ভাল পাওঁ। মোৰ সদায় সন্তান জন্ম দিয়াৰ ইচ্ছা আছিল। গতিকে ত্ৰিশ বছৰ বয়সত কণী সঞ্চয় কৰিবলৈ আৰম্ভ কৰিলোঁ।'' মাতৃৰ পৰামৰ্শমতে এই পদক্ষেপ গ্ৰহণ কৰিছিল অভিনেত্ৰীগৰাকীয়ে। এই প্ৰসংগত প্ৰিয়ংকাই যুক্তি আগবঢ়ায়, "মই অভিলাষী, মই মোৰ কেৰিয়াৰত সফল হ'ব বিচাৰিছিলো। কিন্তু সেই সময়ত মই এনে এজনক বিচাৰি নাপালোঁ যাৰ লগত মই সন্তান জন্ম দিয়াৰ কথা ভাবিব পাৰো। গতিকে এই সিদ্ধান্ত মাৰ পৰামৰ্শত লৈছিলো।’’
সন্তান জন্ম দিয়াৰ কথা ভাবি প্ৰথমবাৰৰ বাবে নিক জ’নাছক বিয়া কৰাব বিচৰা নাছিল অভিনেত্ৰীগৰাকীয়ে। ডেটিং কৰাৰ কেইমাহমানৰ ভিতৰতে দুয়োৰে বিয়া হৈছিল। কিন্তু দুয়োৰে বয়সৰ পাৰ্থক্য আছিল বৃহৎ। নিক ২৫ বছৰীয়া হোৱাৰ বিপৰীতে প্ৰিয়ংকাই ৩৫ বছৰ অতিক্ৰম কৰিছে।
অভিনেত্ৰীগৰাকীৰ মতে, "২৫ বছৰ বয়সত সন্তান জন্ম দিয়াৰ কথা নিকে ভাবিব নে নাই সেই বিষয়ে মোৰ সন্দেহ আছিল। সেইবাবেই ডেটিং কৰিবলৈও মন যোৱা নাছিল।’’
Continue Reading
