ডিজিটেল ডেস্ক: পঞ্জাবত বৃদ্ধি পাইছে পেট্ৰ’ল আৰু ডিজেলৰ দাম৷ পঞ্জাব চৰকাৰে পেট্ৰ’ল আৰু ডিজেলৰ ওপৰত ভেট বৃদ্ধি কৰিছে৷
পঞ্জাব চৰকাৰে দেওবাৰে ইন্ধনৰ ওপৰত মূল্য-সংযোজন কৰ (ভেট) ১০% বৃদ্ধি কৰে, যাৰ ফলত ৰাজ্যখনত পেট্ৰ’ল আৰু ডিজেলৰ মূল্য প্ৰতিলিটাৰত ক্ৰমে ৯২ পইচা আৰু প্ৰতি লিটাৰত ৮৮ পইচা বৃদ্ধি হয়।
ৰাজ্য চৰকাৰে জাৰি কৰা এক জাননী অনুসৰি, ভেট বৃদ্ধিৰ ফলত পেট্ৰ’ল আৰু ডিজেলৰ মূল্য প্ৰতি লিটাৰত এক টকাকৈ বৃদ্ধি হ’ব। মোহালিত পেট্ৰ’লৰ মূল্য এতিয়া প্ৰতি লিটাৰত ৯৮.৯৫ টকা, আনহাতে ডিজেলৰ মূল্য প্ৰতি লিটাৰত ৮৯.২৫ টকা হ’ব। চণ্ডীগড়ত পেট্ৰ’লৰ মূল্য প্ৰতিলিটাৰত ৯৬.২০ টকা হ’ব, আনহাতে ডিজেলৰ মূল্য প্ৰতি লিটাৰত হ’ব ৮৪.২৬ টকা৷
এইবছৰ দ্বিতীয়বাৰৰ বাবে ৰাজ্যখনত ইন্ধনৰ মূল্য বৃদ্ধি কৰা হৈছে।
পেট্ৰ’লিয়াম মন্ত্ৰী হৰদীপ সিং পুৰীয়ে কালি কৈছিল যে যদি আন্তৰ্জাতিক খাৰুৱা তেলৰ মূল্য স্থিৰ হৈ থাকে আৰু কোম্পানীবোৰৰ পৰৱৰ্তী তিনিমাহ লাভজনক হয় তেন্তে তেল কোম্পানীবোৰে পেট্ৰ’ল আৰু ডিজেলৰ মূল্য হ্ৰাস কৰিব পাৰে। তেওঁ কয় যে নৰেন্দ্ৰ মোদী নেতৃত্বাধীন চৰকাৰে ২০২২ চনৰ এপ্ৰিল মাহৰ পৰা তেলৰ মূল্য বৃদ্ধি প্ৰতিহত কৰিছে৷ চৰকাৰে নিশ্চিত কৰিব যাতে গ্ৰাহকসকলে কোনো অসুবিধাৰ সন্মুখীন নহয়।
Continue Reading
