ডিজিটেল ডেস্কঃ ভাৰতীয় মল্লযুঁজাৰু সন্থাৰ সভাপতি ব্ৰীজ ভূষণ শৰণ সিঙৰ বিৰুদ্ধে যৌন শোষণৰ অভিযোগ সন্দর্ভত মল্লযুঁজাৰুসকলৰ প্ৰতিবাদ অব্যাহত আছে৷ এতিয়া মল্লযুঁজাৰু বজৰঙ্গ পুনিয়াই ব্রীজ ভূষণ সিঙৰ বিৰুদ্ধে ব্যৱস্থা লোৱাত পলম হোৱাক লৈ প্রশ্ন উত্থাপন কৰিছে৷এ এন আইৰ তথ্য অনুসৰি পুনিয়াই কয় যে ব্রীজ ভূষণৰ বিৰুদ্ধে বহু প্রমাণ আছে৷ আৰক্ষীয়ে এতিয়া আৰু কি বিচাৰে?
উল্লেখযোগ্য যে মল্লযুঁজাৰু বজৰঙ্গ পুনিয়াই কৃষকসকলক সমৰ্থন আগবঢ়াবলৈ কুৰুক্ষেত্ৰত উপস্থিত হৈছে। হাৰিয়ানাত নূন্যতম সমৰ্থন মূল্য (MSP) ৰূপায়ণৰ দাবীত আন্দোলন কৰিছে কৃষকসকলে। মঞ্চৰ পৰা কৃষকসকলক সম্বোধন কৰি বজৰঙ্গ পুনিয়াই কয় যে, চৰকাৰক আহ্বান জনাইছো যে কৃষকসকলে শস্যৰ নূন্যতম মূল্য লাভ কৰিব লাগিব।
ব্ৰীজভূষণৰ সমান্তৰালকৈ বজৰঙ্গ পুনিয়াই লখিমপুৰ খেৰিত কৃষকৰ মৃত্যুৰ বিষয়টোও উত্থাপন কৰি কেন্দ্রীয় গৃহ ৰাজ্যিক মন্ত্রী অজয় মিশ্ৰ টেনিৰ বিৰুদ্ধে কিয় এতিয়ালৈকে কোনো ব্যৱস্থা লোৱা হোৱা নাই বুলি প্রশ্ন উত্থাপন কৰে৷আৰু উল্লেখ কৰে যে এতিয়াও ব্ৰীজভূষণৰ বিৰুদ্ধে যুঁজি আছে বুলি উল্লেখ কৰে৷
Continue Reading
