ডিজিটেল ডেস্কঃ দূৰদৰ্শন প্ৰযোজক, একতা কাপুৰৰ শেহতীয়াকৈ ট্ৰ’লৰ বলি হয়৷পোছাকৰ বাবেই কটু সমালোচনা কৰা হৈছে প্ৰযোজকগৰাকীক৷ উল্লেখযোগ্য যে ৰিধি ডোগ্ৰাৰ ঘৰৰ বাহিৰত ষ্ট্ৰেপী চেটিন পোছাকত দেখা গৈছিল একতা কাপুৰক৷ তেওঁৰ পোছাকে সকলোৰে দৃষ্টি আকৰ্ষণ কৰিছিল যদিও সমালোচকসকলৰ মতে একতাই ষ্ট্ৰেপী চেটিন পোছাকত অতি অস্বস্তি অনুভৱ কৰা যেন লাগিছিল।
নেটিজেনসকলে একতাৰ চেটিন পোছাকৰ ওপৰত তেওঁলোকৰ মতামত প্ৰকাশ কৰিবলৈ তৎপৰ আছিল। এজন ব্যৱহাৰকাৰীয়ে লিখিছিল, "উৰ্ফি কে জৈছে কাপডে ফোন হে মেডাম নে।" আন এজন নেটিজেনে লিখিছিল, "মোৰ সতীনীয়ে বিচনা চাদৰ চুৰ কৰি নিলে।" এজন ট্ৰোলাৰে মন্তব্য কৰিছিল, "পুৱা মায়ে বিচনা চাদৰ শুকাবলৈ মেলি দিছিল৷আবেলি বিচাৰি নাপালে ৷ ”
যিসময়ত 'সকলো শৰীৰেই সুন্দৰ' আদি নতুন ধাৰণাৰে এচাম লোকে সমাজ পৰিৱৰ্তনৰ সপোন দেখিছে তেনেসময়তে পোছাকৰ বাবেই এগৰাকী প্ৰযোজকক এনেদৰে সমালোচনা কৰাটো দুখঃজনক৷ অৱশ্যে এইক্ষেত্ৰত কোনো প্ৰতিক্ৰিয়া প্ৰকাশ কৰা নাই একতা কাপুৰে৷
Continue Reading
