ডিজিটেল ডেস্কঃ বিশ্বকাপৰ শ্ৰেষ্ঠ গ'লৰক্ষকৰ বঁটা লাভ কৰাৰ পিছতে এমিলিয়ানো মাৰ্টিনেজ বিতৰ্কত সোমাই পৰিছিল। গল্ডেন গ্ল’ভছ হাতত লৈ তেওঁ এটা বিশেষ ভংগীমা কৰিছিল। ভংগীমাটোক অনেকে অশ্লীল বুলি আখ্যা দিছে। তেওঁৰ ক্লাব এষ্টন ভিলাও সুখী নহয় মাৰ্টিনেজৰ আচৰণত।
কিন্তু এতিয়া নতুনকৈ আৰ্জেণ্টিনাৰ তাৰকা গ’লকীপাৰগৰাকী চৰ্চালৈ আহিছে। সেয়া হৈছে আমেৰিকান পপষ্টাৰ মাইলী চাইৰাছক নকল কৰিহে সেই ভংগীমা কৰিছিল মাৰ্টিনেজে। মাইলীয়ে এবাৰ তেনেধৰণৰ এটা ভংগীমা প্ৰদৰ্শন কৰিছিল।
মাইলী আৰু মাৰ্টিনেজৰ একেই ভংগীমাৰ ফটো শেহতীয়াকৈ ছচিয়েল মিডিয়াত ভাইৰেল হৈ পৰিছে। মাইলীয়ে ইনষ্টাগ্ৰাম একাউণ্টযোগে নিজেই কেইদিনমান আগতে সেই ভংগীমাটোৰ এখন ফটো পোষ্ট কৰিছিল। তাত দেখা গৈছিল যে মাইলীৰ হাতত আছিল এটা ফুলৰ তোড়া।
উক্ত ফটোখন চাৰি বছৰ আগৰ আছিল বুলি জনা গৈছে। আমেৰিকান প’পষ্টাৰগৰাকীয়ে তেওঁৰ নিজৰ বিয়াত ফুলৰ থোপা লৈ মাৰ্টিনেজৰ দৰে পোজ দিছিল।
উল্লেখ্য যে ২০১৮ চনৰ ডিচেম্বৰত মাইলীয়ে অষ্ট্ৰেলিয়াৰ অভিনেতা লিয়াম হেমছৱৰ্থৰ সৈতে বিবাহপাশত আৱদ্ধ হৈছিল। কিন্তু ২০২০ চনত এই বিবাহে বিচ্ছেদৰ ৰূপ লয়। মাইলীৰ স’তে একে ভংগীমা প্ৰদৰ্শন কৰাৰ পাছতে বহুতে কৈছে যে মাৰ্টিনেজ হয়তো প’পষ্টাৰগৰাকীৰ এগৰাকী অনুৰাগী হ'ব পাৰে।
Continue Reading
