ডিজিটেল ডেস্কঃ পৃথিৱীৰ আকাৰ কেনেকুৱা? সৰু ল’ৰা এজনক সুধিলেও এই প্ৰশ্নৰ উত্তৰটো হয়তো তপকাই দিব পাৰিব। আপুনিও কেতিয়াবা ভাবিছেনে যে পৃথিৱীখন ঘূৰণীয়া নে সমতল? সম্ভৱতঃ বহুতেই কেতিয়াবা এনে অনুভৱ কৰিছে। কিন্তু এই ব্যক্তিজনে তেওঁৰ সন্দেহ দূৰ কৰিবলৈ ১৬ লাখ টকাই খৰচ কৰি পেলালে।ব্যক্তিজনৰ এই কামটো তেওঁৰ সাহসৰ পৰিচয় নে ধনৰ অপচয় তাকেলৈ এতিয়া বিভিন্ন মহলত চৰ্চাও চলিছে।
এই ব্যক্তিজনে বিশ্বাস কৰি আহিছে যে পৃথিৱীখন গোলাকাৰ বা ডিম্বাকৃতিৰ নহয়, চেপেটাহে। এই কথা প্ৰমাণ কৰিবলৈলোক জনে প্ৰায় 16 লাখ টকা খৰচ কৰিছে। তেওঁ নিজৰ মত সঁচা প্ৰমাণিত কৰিবলৈ চলোৱা পৰীক্ষাটো শেষত প্ৰায় বিফল হৈছে। ঘূৰিপকি তেওঁ স্বীকাৰ নকৰিলেও এই কথা প্ৰমাণ হৈছে যে পৃথিৱীখন ঘূৰণীয়া।
আমেৰিকা যুক্তৰাষ্ট্ৰৰ বব নল নামৰ লোকজনে বহু দিন ধৰি পৃথিৱী খন চেপেটা বুলি দাবী কৰি আহিছে। তেওঁ তেওঁৰ মতক প্ৰতিষ্ঠা কৰিবলৈ লেজাৰ জাইৰোস্কোপ যন্ত্ৰৰ সহায় লৈছিল। এনে কৰিবলৈ গৈ তেওঁ প্ৰায় ১৬ লাখ টকা ব্যয় কৰিছে। উল্লেখ্য পৃথিৱীৰ ঘূৰ্ণনৰ গতি জাইৰোস্কোপৰ দ্বাৰা জনা যায়। লোক জনে আশা কৰিছিল যে যন্ত্ৰটোৱে দেখুৱাব যে পৃথিৱী ঘূৰি নাথাকে।
ইউটিউবাৰ ববে ভাবিছিল যে তেওঁৰ ব্যয়বহুল যন্ত্ৰটোৱে দেখুৱাব যে পৃথিৱী খন একে ঠাইতে থাকে। কিন্তু যেতিয়া তেওঁৰ পৰীক্ষা বিফল হ’ল তেতিয়া তেওঁ আচৰিত হৈ পৰিছে। তেওঁ নেটফ্লিক্সৰ তথ্যচিত্ৰ 'বিহাইণ্ড দ্য কাৰ্ভ'ৰ বাবে এই পৰীক্ষাটো কৰিছিল। দৰাচলতে পৃথিৱীৰ প্ৰকৃত আকৃতি ঘূৰণীয়াও নহয় বা চেপেটাও নহয়। পৃথিৱীৰ আকৃতি ডিম্বাকৃতিৰ। মহাকাশৰ পৰা দেখাত পৃথিৱীখন ঘূৰণীয়া ,কিন্তু ই সম্পূৰ্ণৰূপে ঘূৰণীয়াও নহয়।
Continue Reading
