ডিজিটেল ডেস্কঃ এক ভয়ংকৰ অঘটনে জোকাৰি গৈছে চীনক। চীনৰ এখন চিকিৎসালয়ত ভয়ংকৰ অগ্নিকাণ্ড সংঘটিত হোৱাৰ ফলত এতিয়ালৈকে ২৯ জন ৰোগীৰ মৃত্যু ঘটাৰ বাতৰি আহিছে।অগ্নি নিৰ্বাপক বাহিনীয়ে ৭১ জন ৰোগীক স্থানান্তৰ কৰিছে।
বেইজিঙৰ চিকিৎসালয় খনত দিনৰ ভাগলৈকে উদ্ধাৰ অভিযান অব্যাহত আছে। অগ্নিকাণ্ডৰ এটা ভিডিঅ' ছচিয়েল মিডিয়াত ভাইৰেল হৈ পৰিছে। ভিডিঅ’ত দেখা গৈছে যে বহু ৰোগীয়ে খিৰিকীৰে তললৈ জঁপিয়াই দিছে। ।অগ্নিকাণ্ড সংঘটিত হোৱা চাংফেং চিকিৎসালয়খন পশ্চিম বেইজিঙৰ নগৰ অঞ্চলৰ তিয়েনানমেন স্কোৱেৰত অৱস্থিত। জুই লগাৰ পিছত তৎক্ষণাৎ বিদ্যুৎ সংযোগ বিচ্ছিন্ন কৰা হয়। । ফলত চিকিৎসালয়খন অন্ধকাৰে আৱৰি ধৰে।
অৱশ্যে অতি তৎপৰতাৰে জুই নিয়ন্ত্ৰণলৈ অনা হয়। কি কাৰণত জুই লাগিছে সেয়া এতিয়াও জানিব পৰা হোৱা নাই। উল্লেখ্য যোৱা বছৰৰ নৱেম্বৰ মাহতো চীনৰ এটা বহুমহলীয়া অট্টালিকাত জুই লগাৰ ফলত শ্বাসৰুদ্ধ হৈ ১০ জন লোকৰ মৃত্যু হৈছিল। ইয়াৰ পিছতে দেশ খনত কোভিড লকডাউনৰ বিৰুদ্ধে প্ৰতিবাদ আৰম্ভ হৈছিল। সেই সময়ত এইবুলি অভিযোগ উঠিছিল যে চহৰখন বন্ধ হৈ থকাৰ বাবেই উদ্ধাৰ অভিযান বিলম্বিত হৈছিল।
Continue Reading
