ডিজিটেল ডেস্কঃ ভুল খাদ্যাভ্যাস আৰু ভুল জীৱনশৈলীৰ বাবে মানুহৰ জীৱন বিপদাপন্ন হয়। মাত্ৰ ৩২ বছৰ বয়সত এগৰাকী মহিলাৰ ওজন প্ৰায় ৩১৭ কিলোগ্ৰামলৈ বৃদ্ধি পাইছিল। এই সময়ছোৱাত মহিলাগৰাকীৰ শাৰীৰিক ক্ৰিয়া-কলাপো অতি কম আছিল আৰু হৰম’নৰ ভাৰসাম্যহীনতাও ওজন বৃদ্ধিৰ কাৰণ আছিল। আমেৰিকাৰ মিচিচিপিৰ বাসিন্দা ক্ৰীষ্টিনা ফিলিপছৰ ৰূপান্তৰৰ যাত্ৰা শুনি আপুনি স্তম্ভিত হ’ব। এটা সময়ত ক্ৰীষ্টিনাৰ নামটো পৃথিৱীৰ আটাইতকৈ শকত মহিলাৰ ভিতৰত লোৱা হৈছিল। মাত্ৰ ১২ বছৰ বয়সত ক্ৰীষ্টিনাৰ ওজন আছিল প্ৰায় ১৩৬ কিলোগ্ৰাম। প্ৰায় দুবছৰ ধৰি তেওঁ বিচনাত পৰি থাকি জীৱনটো পাৰ কৰিছিল।
ক্ৰীষ্টিনাই কয় যে শৈশৱত তেওঁৰ বাৰে বাৰে ভোক লাগিছিল। সেইবাবেই তেওঁ দিনটোত কেইবাবাৰো খাদ্য খাইছিল। ক্ৰীষ্টিনাৰ খাদ্য তালিকাত ফাষ্ট ফুড অধিক আছিল। এই সময়ছোৱাত তেওঁ কোনো শাৰীৰিক ক্ৰিয়া-কলাপো কৰা নাছিল সেয়ে তেওঁৰ ওজন দ্ৰুতগতিত বৃদ্ধি পাইছিল। এই বাঢ়ি অহা ওজনে ক্ৰীষ্টিনাক বহুত অসুবিধা দিছিল। ইয়াৰ পিছত তেওঁ ডাক্তৰক লগ কৰি ওজন কমোৱাৰ পৰামৰ্শ ল’লে। ডাক্তৰে বাইপাছ অস্ত্ৰোপচাৰ আৰু স্বাস্থ্যসন্মত খাদ্যৰ পৰামৰ্শ দিলে।
গেষ্ট্ৰিক বাইপাছ অস্ত্ৰোপচাৰ কৰাৰ পূৰ্বে ক্ৰীষ্টিনাই খোজ কাঢ়িবও পৰা নাছিল। পিতৃ-মাতৃ আৰু স্বামী জেকৰ লগত থাকিছিল। কিন্তু গেষ্ট্ৰিক বাইপাছ অস্ত্ৰোপচাৰ কৰাৰ সময়ত স্বামীয়ে তেওঁক একেবাৰেই সমৰ্থন কৰা নাছিল আৰু বেয়া আচৰণ কৰিছিল। স্বামীয়ে মাজে মাজে ক্ৰীষ্টিনাক ঠাট্টা কৰিছিল। যাৰ ফলত তেওঁৰ মানসিক স্বাস্থ্যৰ ওপৰত প্ৰভাৱ পৰিছিল। ইয়াৰ পাছত ক্ৰীষ্টিনাই স্বামীৰ পৰা বিবাহ বিচ্ছেদ লৈছিল।
পাছত গেষ্ট্ৰিক বাইপাছ অস্ত্ৰোপচাৰৰ সহায়ত তেওঁৰ ওজন কমি আহিল। এতিয়া তেওঁৰ ওজন মাত্ৰ ৯০ কেজি। এতিয়া ক্ৰীষ্টিনাই স্বাস্থ্যসন্মত খাদ্য গ্ৰহণ কৰে আৰু নিজৰ নিয়মীয়া চাৰ্ট অনুসৰণ কৰে আৰু দৈনিক ব্যায়াম কৰে।
ক্ৰীষ্টিনা ফিলিপছে কয় যে মানুহে ওজন হ্ৰাস কৰিবলৈ হ’লে আৰু ওজন নিয়ন্ত্ৰণত ৰাখিবলে হ’লে দৈনিক ব্যায়াম কৰিবই লাগিব।
Continue Reading
