ডিজিটেল ডেস্কঃ বৰ্তমান ক্ৰিকেটৰ পৰা আঁতৰি আছে পৃথ্বী শ্ব’। তেনে সময়তে ক্ৰিকেটাৰজনৰ স’তে সংঘটিত হৈছে এটা কাণ্ড। সমৰ্থকৰ সৈতে চেল্ফী উঠিবলৈ নিবিচৰাৰ বাবেই এখন হোটেলৰ পৰা উভতি অহাৰ পথত তেওঁক আক্ৰমণ কৰা হয়। তেওঁৰ বন্ধুৰ গাড়ী ভাঙি লণ্ডভণ্ড কৰে উদণ্ড যুৱকসকলে।
তাৰপাছতে পৃথ্বীৰ বন্ধুজনে থানালৈ গৈ অভিযোগ কৰে। ইয়াৰ উত্তৰত পৃথ্বীৰ স’তে চেল্ফী তুলিবলৈ যোৱা এগৰাকী যুৱতীয়ে অভিযোগ কৰে যে তেওঁক ক্ৰিকেটাৰগৰাকীয়ে অত্যাচাৰ কৰিছিল।
জনা যায় যে বুধবাৰে ৰাতি পৃথ্বীয়ে ছান্টাক্ৰুজৰ এখন ফাইভ ষ্টাৰ হোটেললৈ ৰাতিৰ আহাৰ গ্ৰহণ কৰিবলৈ গৈছিল। তেওঁৰ লগত কিছুমান বন্ধুও আছিল। সেই সময়ত হোটেলত থকা একাংশ অনুৰাগীয়ে পৃথ্বীৰ সৈতে ব্যক্তিগত কথা-বতৰা পাতিছিল। পৃথ্বীয়ে হাঁহি এটা মাৰি সকলোকে সম্ভাষণ জনায়। কিন্তু অনুৰাগীসকল এজনৰ পাছত আন এজনকৈ আহি থকাত তেওঁ বিৰক্ত হৈ পৰিল আৰু ক’লে- ''তেওঁ ইয়াত আহাৰ গ্ৰহণ কৰিবলৈহে আহিছে! গতিকে আমনি নকৰিবা।’’ তাৰ পিছতো কেইজনমান অনুৰাগীয়ে অশান্তি দি থাকিল। ইয়াৰ পিছত পৃথ্বীৰ বন্ধুৱে হোটেলৰ মেনেজাৰক ফোন কৰি অভিযোগ কৰিলে।
উল্লেখ্য যে ঘৰুৱা ক্ৰিকেটত ভাল প্ৰদৰ্শন কৰাৰ পিছত পৃথ্বীয়ে নিউজিলেণ্ডৰ বিৰুদ্ধে টি-২০ শৃংখলাৰ যোগেৰে আন্তঃৰাষ্ট্ৰীয় ক্ৰিকেটলৈ উভতি আহিছিল। ঘৰুৱা ক্ৰিকেট এতিয়া নাই। গতিকে তেওঁ ছুটীত আছে। তাৰমাজতে এই ঘটনা ঘটিছিল।
Continue Reading
