ডিজিটেল ডেস্কঃ ৫ ঘণ্টাৰ পূৰ্বে আই চি চি টেষ্ট ৰেংকিঙত ১ নম্বৰ স্থানলৈ আৰোহণ কৰিছিল ভাৰত। অষ্ট্ৰেলিয়াতকৈ অধিক পইণ্ট লাভ কৰি তেওঁলোকে ৰেংকিঙত অগ্ৰগতি লাভ কৰিছিল। কিন্তু ৫ ঘণ্টাৰ পাছত আই চি চিয়ে ঘোষণা কৰিলে যে টেষ্ট ৰেংকিঙৰ শীৰ্ষত ভাৰত নহয়, অষ্ট্ৰেলিয়াহে আছে। ভাৰত আছে ২ নম্বৰত। কিন্তু কিয় এনেকুৱা হ’ল? কিবা বিসংগতি নেকি?
কাৰিকৰী সমস্যাৰ ফলত এই বিভ্ৰান্তিৰ সৃষ্টি হৈছে বুলি আইচিচিয়ে শেহতীয়াকৈ জনায়। আইচিচিয়ে সঠিক পইণ্ট তালিকা প্ৰকাশ কৰিছে। য’ত অষ্ট্ৰেলিয়া প্ৰথম নম্বৰত আছে।
কিন্তু ইয়াৰ পিছতো প্ৰশ্নৰ উত্থাপন হৈছে। যদি কোনো কাৰিকৰী সমস্যা আছিল, তেন্তে আইচিচিয়ে আগতে কিয় একো কোৱা নাছিল?
নাগপুৰত অষ্ট্ৰেলিয়াক এটা ইনিংছ আৰু ১৩২ ৰানত পৰাস্ত কৰে ভাৰতে। ইয়াৰ পিছতো ৰেংকিঙত দ্বিতীয় স্থানত আছে ভাৰত। নতুনকৈ প্ৰকাশ পোৱা তালিকাত ভাৰতৰ স্ক’ৰ হৈছে ৩৬৯০। ৰেটিং ১১৫। আনহাতে, শীৰ্ষ স্থানত থকা অষ্ট্ৰেলিয়াৰ পইণ্ট ভাৰততকৈ কম (৩৬৬৮)। কিন্তু সৰ্বোচ্চ ৰেটিং (১২৬) লৈ এক নম্বৰত আছে।
বিশ্ব টেষ্ট চেম্পিয়নশ্বিপৰ তালিকাতো দ্বিতীয় স্থানত আছে ভাৰত। ৰোহিতৰ শতাংশ পইণ্ট ৬১৬৭। শীৰ্ষত অষ্ট্ৰেলিয়াৰ পইণ্ট শতাংশ ৭০৮৩। কোন দুটা দলে ফাইনেলত খেলিব সেয়া নিৰ্ভৰ কৰিব ভাৰত-অষ্ট্ৰেলিয়া টেষ্ট শৃংখলাৰ ফলাফলৰ ওপৰত। তাৰ বাবে ভাৰতে অষ্ট্ৰেলিয়াক কমেও ২-০ বা ৩-১ গ’লত পৰাস্ত কৰাটো প্ৰয়োজন।
Continue Reading
