ডিজিটেল ডেস্ক: দিলীপ ঘোষৰ পাছত এইবাৰ অভিজিত গংগোপাধ্যায়ৰ আক্ৰমণৰ লক্ষ্য হৈ পৰিল মমতা বেনাৰ্জী। তামলুকৰ বিজেপি প্ৰাৰ্থীগৰাকীয়ে মমতা বেনাৰ্জীৰ বিৰুদ্ধে আপত্তিজনক মন্তব্য কৰি বিতৰ্কৰ সৃষ্টি কৰিছে। তেওঁৰ এটা মন্তব্যৰ উদ্ধৃতি দি তৃণমূল কংগ্ৰেছে অভিযোগ কৰিছে যে প্ৰাক্তন ন্যায়াধীশ তথা বিজেপি প্ৰাৰ্থীগৰাকীয়ে মমতা বেনাৰ্জীৰ মৃত্যু কামনা কৰিছে। তৃণমূলে অভিজিতৰ বিৰুদ্ধে নিৰ্বাচন আয়োগৰ ওচৰত অভিযোগ দাখিল কৰাৰ প্ৰস্তুতিও আৰম্ভ কৰিছে।
ছ’চিয়েল মিডিয়াত প্ৰচাৰিত এটা ভিডিঅ’ত অভিজিতক এইদৰে কোৱা শুনা যায়, মমতা বেনাৰ্জীয়ে অনুভৱ কৰে যে তেওঁৰ মৃত্যুঘণ্টা বাজিছে। অৱশ্যে, ‘আনন্দবজাৰ অনলাইন’এ ভিডিঅ'টোৰ সত্যতা পৰীক্ষা কৰিব নোৱাৰিলে। তৃণমূল কংগ্ৰেছে সামাজিক মাধ্যমত প্ৰচাৰ কৰা অভিজিতৰ ভাষণৰ অংশটো হৈছে ছয় ছেকেণ্ডৰ। তেওঁ আগতে বা পাছত কি কৈছিল তাৰ কোনো উল্লেখ নাই।
এই মন্তব্যৰ প্ৰতিক্ৰিয়া ব্যক্ত কৰি উদ্যোগমন্ত্ৰী শশী পাঞ্জাই কয়, বিজেপিৰ দিলীপ ঘোষ আৰু অভিজিত গংগোপাধ্যায়ৰ মাজত প্ৰতিযোগিতা হৈছে। তেওঁলোকে এতিয়া মমতা বেনাৰ্জীৰ মৃত্যুকামনা কৰিছে।
দিলীপ ঘোষেও তৃণমূল নেত্ৰী মমতা বেনাৰ্জীক লৈ ব্যক্তিগত আক্ৰমণ কৰি সমস্যাত পৰিছে। দিলীপৰ বিৰুদ্ধে আৰক্ষী থানাত এখন এজাহাৰো দাখিল কৰা হৈছে। তৃণমূল কংগ্ৰেছে দিলীপ ঘোষৰ বিৰুদ্ধে নিৰ্বাচন আয়োগৰ ওচৰত অভিযোগ কৰিছিল। দিলীপে মমতাৰ দেউতাকৰ বিষয়ে মন্তব্য কৰিছিল। এইবাৰ ৰাজ্যখনৰ শাসকীয় দলে অভিজিতৰ বিৰুদ্ধে আয়োগৰ কাষ চাপিবলৈ প্ৰস্তুতি আৰম্ভ কৰিছে।
Continue Reading
