ডিজিটেল ডেস্কঃ এটা পথ দুৰ্ঘটনাত প্ৰাণ হেৰুৱালে এজন যুৱ ছ'চিয়েল মিডিয়া ইনফ্লুৱেন্সাৰে। যুৱকজনৰ নাম ৰোহিত ভাটি। মাত্ৰ ২৫ বছৰ বয়সতে চিৰদিনলৈ চকু মুদিলে ৰোহিতে। ২২ নৱেম্বৰৰ পুৱা এটা গাড়ী দুৰ্ঘটনাত মৃত্যু হয় ৰোহিত ভাটীৰ। ছ'চিয়েল মিডিয়াত অতি জনপ্ৰিয় আছিল ৰোহিত। তেওঁ ইনষ্টাগ্ৰাম আৰু ফেচবুকত ‘ৰাউডী ভাটী’ নামেৰে পৰিচিত আছিল। বন্ধু-বান্ধৱীৰ সৈতে পাৰ্টি কৰি উভতি আহি থকা অৱস্থাত পুৱা প্ৰায় ৩ বজাত গ্ৰেটাৰ নয়ডাত তেওঁৰ গাড়ীখনে গছত খুন্দা মাৰে আৰু সেই দুৰ্ঘটনাতে ৰোহিতে হেৰুৱালে প্ৰাণ।
আৰক্ষী আয়ুক্ত আলোক সিঙৰ মিডিয়া ইনচাৰ্জে জনোৱা মতে, গভীৰ নিশা পাৰ্টিৰ পৰা দুজন বন্ধুৰ সৈতে উভতি আহিছিল ৰোহিত ভাটী। গ্ৰেটাৰ নয়দাৰ চুহাৰপুৰ আণ্ডাৰপাছৰ সমীপত তেওঁলোকৰ গাড়ীখনে গছত খুন্দা মাৰে। বন্ধু আতিশ আৰু মনোজ চিকিৎসালয়ত চিকিৎসাধীন হৈ থকাৰ সময়তে ৰোহিত ভাটীৰ মৃত্যু হয়।
‘ৰাউডী ভাটী’ নামেৰে পৰিচিত ৰোহিত ভাটি ছ'চিয়েল মিডিয়াৰ অতি প্ৰভাৱশালী ব্যক্তি আছিল। ইনষ্টাগ্ৰামতো ৰোহিতৰ প্ৰায় ১০ লাখ ফ’ল’ৱাৰ আছে আৰু তাতো তেওঁ যথেষ্ট সক্ৰিয় আছিল।
ছ’চিয়েল মিডিয়াত ৰোহিত ভাটীৰ বহু ভিডিঅ’ তেওঁৰ মৃত্যুৰ খবৰৰ পাছত ক্ৰমান্বয়ে ভাইৰেল হৈ পৰিছে। এই ঘটনাত তেওঁৰ অনুৰাগীসকল শোকস্তব্ধ হৈ পৰিছে।
Continue Reading
