ডিজিটেল ডেস্কঃ আজিকালি উন্নয়ন শব্দটো মনলৈ অহাৰ লগে লগেই যেন চৰকাৰৰ মনলৈ আহে গছ কটাৰ কথৈা। সেয়া লাগিলে অসমেই হওঁক বা আন ৰাজ্যই হোঁক। শেহতীয়াকৈ ষ্ট্ৰীটকেপিং প্ৰকল্পৰ অধীনত পথ পুনৰ নিৰ্মাণৰ সময়ত গছ কাটি তহিলং কৰা হৈছে নতুন দিল্লীত।
এনে কাৰ্যৰ পিছতে দিল্লী উচ্চ ন্যায়ালয়ে গড়কাপ্তানি বিভাগক এনেদৰে গছ কটাৰ বাবে ধম দিবলগীয়া হৈছে। আদালতৰ ধমক খোৱাৰ পিছতে বিভাগটোৱে এতিয়া জনতাৰ ওচৰত গছ কটাৰ বাবে ক্ষমা বিচাৰি মথুৰা ৰোডত প্ৰায় আধা ডজন "ক্ষমা প্ৰাৰ্থনাৰ বোৰ্ড" স্থাপন কৰিছে। ইয়াত কোৱা হৈছে, অতীতৰ ত্ৰুটিবোৰৰ বাবে ক্ষমা বিচাৰিছো আৰু পিছলৈ অধিক ভাল কৰিম।" মথুৰা ৰোড ষ্ট্ৰীটকেপিং প্ৰকল্পৰ অধীনত বহু গছ কাটি পেলাইছিল বিভাগটোৱে।
পৰিৱেশ কৰ্মীসকলে ষ্ট্ৰীটকেপিঙৰ কাম কৰা পিডব্লিউডিৰ অভিযন্তাসকলৰ বিৰুদ্ধে অভিযোগ দাখিল কৰিছিল । লোধি ৰোড, বিকাশ মাৰ্গ, কেএন কাটজু মাৰ্গ, নৰৱানা পথ আদিত দুখ লগাকৈ গছ কটা হৈছিল। অভিযোগৰ পিছত পিডব্লিউডি অভিযন্তাসকলক বন বিভাগে জাননী প্ৰদান কৰিছিল আৰু কাম বন্ধ কৰা হৈছিল। কিছু ক্ষেত্ৰত জৰিমনাও আৰোপ কৰা হৈছিল। ষ্ট্ৰীটকেপিং বিভাগৰ মুৰব্বী বিনয় শীল চাক্সেনা আৰু আন দুজন প্ৰাক্তন পিডব্লিউডি বিষয়াক আদালতে আনকি আদালত অৱমাননাৰ বাবে শাস্তি প্ৰদানৰো বিধান দিছিল।
ইপিনে অসমতো চৰকাৰৰ ছত্ৰছায়াতে চলি আছে গছ নিধন যজ্ঞ। বিধায়ক আবাসৰ গছ কটাৰ পিছত এইবাৰ মহানগৰীৰৰ উজান বজাৰতো পাৰ্ক নিৰ্মাণৰ নামত চলিছে বৃক্ষ নিধনযজ্ঞ।অসম চৰকাৰে এপিনে কোটি কোটি টকা খৰচ কৰি বন মহোৎসৱৰ বিজ্ঞাপন দিয়ে , আনপিনে একে সময়তে হত্যা কৰি গৈছে বহু বৃক্ষ। চৰকাৰৰ এনে দুমুখীয়া নীতিয়ে সকলোকে আচৰিত কৰি তুলিছে।
Continue Reading
