ডিজিটেল ডেস্কঃ বজাৰত নহৰুৰ দাম আকাশলংঘী। কেইবা সপ্তাহ ধৰি মহাৰাষ্ট্ৰ, গুজৰাট আৰু মধ্যপ্ৰদেশত নহৰুৰ মূল্যবৃদ্ধিয়ে মধ্যবিত্ত শ্ৰেণীৰ মাজত হাহাকাৰ পৰিস্থিতিৰ সৃষ্টি হৈছে যদিও কৃষকসকল ইয়াক লৈ সুখী। কিন্তু কৃষকসকলৰ আনন্দৰ লগতে উদ্বিগ্নতাও আছে।ইপিনে নহৰুৰ মূল্য বৃদ্ধিৰ বাবে পথাৰত নহৰু চুৰি হোৱাৰ অভিযোগ কৰিছে কৃষকে। চুৰি ৰোধৰ বাবে বন্দুক লৈ ২৪ ঘণ্টা ধৰি নহৰুৰ পহৰা দি খেতিয়কসকলে পথাৰত বহি আছে। মধ্য প্ৰদেশৰ মংগোলা গাঁৱত বৰ্তমান এই পৰিস্থিতি সৃষ্টি হৈছে।
কেৱল বন্দুকৰ ওপৰত নিৰ্ভৰ কৰাই নহয়, কঠোৰ সতৰ্কতা অৱলম্বন কৰিবলৈ পথাৰত চিচিটিভি কেমেৰা স্থাপন কৰা হৈছে। খেতিপথাৰৰ খেতি বচাবলৈ কুকুৰকো এৰি দিয়া হৈছে।
শেহতীয়াকৈ মধ্য প্ৰদেশৰ উজ্জয়ন অঞ্চলৰ কলালিয়া গাঁৱৰ বাসিন্দা সঞ্জয় শ্বাহৰ ফাৰ্মৰ পৰা কেইটা বস্তা নহৰু চুৰি হৈছিল। এই ঘটনাৰ পাছত জীৱন সিং আৰু ভৰত সিং নামৰ দুজন কৃষকে নিৰাপত্তাৰ বাবে খেতি পথাৰ ঢাকি ৰাখিছে। পথাৰত পৃথকে পৃথকে স্থাপন কৰা হৈছে চিচিটিভি কেমেৰা। পথাৰখন পহৰা দিবলৈ এজন চকীদাৰো নিযুক্তি দিয়া হৈছে। এজন চকীদাৰৰ লগত পহৰা দিয়াৰ বাবে কুকুৰ এটাও থাকে।
জীৱনে কয় যে যোৱা বছৰ বিক্ৰী হোৱা নহৰুৰ মূল্য চলিত বৰ্ষত চাৰিগুণ বৃদ্ধি পাইছে। বতৰৰ পৰিস্থিতি আৰু নহৰুৰ দাম বৃদ্ধিৰ বাবে এই বছৰ নহৰু উৎপাদনৰ অভাৱ দেখা গৈছে। সেইবাবেই নহৰুৰ দাম বাঢ়িছে।
Continue Reading
