ডিজিটেল ডেস্কঃ বিৰাট কোহলী-অনুষ্কা শৰ্মাই বিবাহৰ ছবছৰ সম্পূৰ্ণ কৰিলে। সিহঁতৰ সম্পৰ্ক দিনক দিনে মজবুত হৈ আহিছে। বিয়াৰ পিছৰে পৰা অনুষ্কাই চিনেমাৰ কাম অলপ অলপকৈ কমাইছে। অনুষ্কা স্বামী, সন্তান আৰু পৰিয়ালৰ সৈতে আছে। বিৰাট-অনুষ্কাৰ প্ৰথম সন্তান ভামিকাৰ জন্ম হৈছিল ২০২১ চনত। এতিয়া পুনৰ গৰ্ভৱতী হৈছে অভিনেত্ৰীগৰাকী। অৱশ্যে এতিয়ালৈকে কোনো আনুষ্ঠানিক ঘোষণা কৰা নাই কোহলী দম্পতীয়ে।
বিৰাট-অনুষ্কাই প্ৰথম লগ পাইছিল ২০১৩ চনত এটা বিজ্ঞাপনৰ শ্বুটিং কৰাৰ সময়ত। প্ৰেম তাৰ পৰাই আৰম্ভ হৈছিল। বহুতে কয়, ‘প্ৰথম দৃষ্টিত প্ৰেম’। কেইবাবছৰীয়া প্ৰেমৰ পিছত ২০১৭ চনত ইটালীত বিয়া পাতে।
বিৰাট কোহলীৰ পূৰ্বে অনুষ্কা অভিনেতা ৰণবীৰ সিঙৰ সৈতে সম্পৰ্ক থকাৰ প্ৰবল উৰাবাতৰি প্ৰচাৰ হৈছিল। কিন্তু বলীউডৰ অভিনেতাজনক পাহৰি বিৰাটক কিয় মনত পেলাইছিল অনুষ্কাৰে?
অনুষ্কাই বিৰাটৰ চেহেৰা, বয়স, খ্যাতি বা প্ৰতিভাৰ বাবে নহয়, ক্ৰিকেট তাৰকাগৰাকীৰ সবল স্মৃতিশক্তিৰ বাবেই বিৰাটৰ প্ৰেমত পৰিছিল। অলপতে এক সাক্ষাৎকাৰত অনুষ্কাই কয় যে বিৰাটৰ স্মৃতিশক্তি ভয়ংকৰ। গতিকে বিৰাটৰ লগত প্ৰেমৰ পৰ্যায় আৰম্ভ হোৱাৰ আগতেই যেতিয়া তাই বুজিলে যে তাৰ স্মৃতিশক্তি কিমান শক্তিশালী, তেতিয়া তাই তাৰ লগত জীৱনটো কটাবলৈ সিদ্ধান্ত ল’লে।
লগতে অভিনেত্ৰীগৰাকীয়ে কয় যে তেওঁ আৰু বিৰাটে সুখী হ’ব বিচাৰে। অনুষ্কাই লগতে কয় যে ৩০ৰ বাধা অতিক্ৰম কৰাৰ আগতে বিৰাটৰ লগত বিয়া কৰাবলৈ লোৱা সিদ্ধান্ত সঠিক আছিল।
Continue Reading
