উশাহ-নিশাহ লোৱাটো আমাৰ জীৱনৰ এক গুৰুত্বপূৰ্ণ প্ৰক্ৰিয়া। জন্মৰ পৰা শেষ উশাহলৈকে এই কাম অবিৰতভাৱে চলি থাকে। বহুবাৰ আপুনি নিশ্চয় অনুভৱ কৰিছে যে দীঘলকৈ উশাহ এটা লোৱাৰ লগে লগে মনটো লঘু হৈ পৰে। বেছিভাগ বিশেষজ্ঞই এই কথাত একমত যে এনে কৰাটো মানসিক স্বাস্থ্যৰ

Listen to Article

2 min read

80%

ডিজিটেল ডেস্কঃ উশাহ-নিশাহ লোৱাটো আমাৰ জীৱনৰ এক গুৰুত্বপূৰ্ণ প্ৰক্ৰিয়া। জন্মৰ পৰা শেষ উশাহলৈকে এই কাম অবিৰতভাৱে চলি থাকে। বহুবাৰ আপুনি নিশ্চয় অনুভৱ কৰিছে যে দীঘলকৈ উশাহ এটা লোৱাৰ লগে লগে মনটো লঘু হৈ পৰে। বেছিভাগ বিশেষজ্ঞই এই কথাত একমত যে এনে কৰাটো মানসিক স্বাস্থ্যৰ বাবে অতি উপকাৰী।

গভীৰ উশাহ-নিশাহৰ উপকাৰিতা

১/ উদ্বেগৰ কমেঃ আপোনাৰ উশাহ-নিশাহ আপোনাৰ মানসিক স্বাস্থ্যৰ দাপোন। এই লেহেমীয়া, ছন্দময় উশাহে পেৰাচিম্পেথেটিক স্নায়ুতন্ত্ৰক উদ্দীপিত কৰে, যিয়ে হৃদস্পন্দন কমাই পেশী আৰু মন শিথিল কৰে।

২/ আত্মপ্ৰেমৰ অনুভৱ পাবঃ শ্বাস-প্ৰশ্বাসৰ জৰিয়তে আমি আমাৰ চিন্তাধাৰাক আমাৰ মনৰ পৰা উলিয়াই আনিব পাৰো। যেতিয়া আপুনি আপোনাৰ উশাহৰ সৈতে সংযোগ স্থাপন কৰিবলৈ সক্ষম হয়, তেতিয়া আপুনি নিজৰ সৈতে গভীৰ সংযোগ অনুভৱ কৰিবলৈ আৰম্ভ কৰে। ইয়াৰ ফলত আত্মপ্ৰেমৰ প্ৰক্ৰিয়া আৰম্ভ হয়।

৩/ ৰোগ প্ৰতিৰোধ ক্ষমতা বৃদ্ধি পাবঃ ডায়েফ্ৰাগমেটিক শ্বাস-প্ৰশ্বাসে হাওঁফাওঁ বহল কৰে, অক্সিজেন শোষণ উন্নত কৰে, কৰ্টিছলৰ মাত্ৰা কমায়, ৰক্তচাপ, স্বায়ত্তশাসিত স্নায়ুতন্ত্ৰ উন্নত কৰে, যাৰ ফলত আমাৰ ৰোগ প্ৰতিৰোধ ক্ষমতা বৃদ্ধি পায়।

৪/ মানসিক চাপৰ পৰা মুক্তঃ যেতিয়া টেনচন থাকে তেতিয়া আমি অগভীৰ উশাহ লোৱাৰ প্ৰৱণতা ৰাখোঁ যিয়ে ডায়েফ্ৰামৰ গতিৰ সম্পূৰ্ণ পৰিসৰ সীমিত কৰি ৰাখে। পিছৰবাৰ যেতিয়া আপুনি টেনচনৰ মাত্ৰা বৃদ্ধি হোৱা অনুভৱ কৰে, তেতিয়া এটা হাত পেটৰ ওপৰত ৰাখক, আৰু নাকৰ মাজেৰে দীঘলকৈ উশাহ এটা লওক আৰু চাৰিলৈকে গণনা কৰক, আনহাতে ৬ গণনাৰ বাবে উশাহ এৰি দিয়ক। এতিয়া অনুভৱ কৰক আপোনাৰ পেটটো ওপৰলৈ উঠিছে আৰু পৰিছে। ১ মিনিটৰ বাবে পুনৰাবৃত্তি কৰক।

৫) ই জীয়াই থাকিবলৈ প্ৰেৰণা দিয়ে।

শ্বাস-প্ৰশ্বাসৰ ব্যায়ামে আমাক অতিমাত্ৰা চিন্তা কৰাত বাধা দিয়ে আৰু সজাগ হৈ থকাত সহায় কৰিব পাৰে, যাৰ ফলত আপুনি বৰ্তমানৰ মুহূৰ্তৰ সৈতে সংযোগ স্থাপন কৰিব পাৰে।

৬) ভাল টোপনিঃ%শ্বাস-প্ৰশ্বাসৰ ব্যায়ামে আমাৰ পেৰাচিম্পেথেটিক স্নায়ুতন্ত্ৰক প্ৰত্যক্ষভাৱে প্ৰভাৱিত কৰে, আৰু শৰীৰক শান্ত হ’বলৈ সংকেত দিয়ে। ইয়াৰ ফলত গভীৰ আৰু সুন্দৰ টোপনি যায়।

৭/ মাইলী এনাৰ্জীঃ শ্বাস-প্ৰশ্বাসৰ কামে তেজত অক্সিজেনৰ ক্ষমতা বৃদ্ধি কৰে যাৰ ফলত শক্তিৰ মাত্ৰা আৰু ষ্টেমিনা বৃদ্ধি পায়।

৮/ হজম ভাল হয়ঃ সঠিকভাৱে উশাহ-নিশাহ ল’লে তেজৰ সোঁত বৃদ্ধি পায়, যাৰ ফলত পাচন অংগসমূহে ভালদৰে কাম কৰাত সহায় কৰে, লগতে ই বিপাকীয় ক্ৰিয়াও ক্ষিপ্ৰ কৰে।