ডিজিটেল ডেস্কঃ ৰাছিয়া- ইউক্ৰেইনৰ মাজৰ যুঁজ খন কিমান দীঘলীয়া হ’ব সেয়া এতিয়াই কোৱা টান হৈ পৰিছে। এনে সময়তে ইউক্ৰেইনৰ সেনাই দেশ খনৰ বহু ঠাইত ৰাছিয়াৰ বাহিনীক খেদি পঠিয়াবলৈ সক্ষম হৈছে।ইউক্ৰেইনৰ সৈন্যৰ শৃংখলাবদ্ধ আক্ৰমণৰ সন্মুখীন হৈ ৰাছিয়াই খেৰছনৰ পৰা নিজৰ সৈন্য প্ৰত্যাহাৰ কৰাৰ সিদ্ধান্ত লৈছে।
ৰাছিয়াৰ সেনাৰ জেনেৰেল ছেৰ্গেই সুৰভিকিনে কয়, "বৰ্তমান আমি দিনীপ্ৰো নদীৰ পশ্চিম পাৰৰ পৰা সেনা প্ৰত্যাহাৰ কৰি আছো।" উল্লেখ্য ৰাছিয়াৰ ৰাষ্ট্ৰপতি ভ্লাদিমিৰ পুটিনে ২৪ ফেব্ৰুৱাৰীত ইউক্ৰেইনৰ বিৰুদ্ধে সামৰিক অভিযান ঘোষণা কৰাৰ পিছত তেওঁৰ বাহিনীয়ে প্ৰথমে দক্ষিণ ইউক্ৰেইনৰ প্ৰাদেশিক ৰাজধানীকে ধৰি সমগ্ৰ খেৰছন প্ৰদেশৰ শাসন নিজৰ হাতলৈ নিছিল।
কিন্তু ১০ অক্টোবৰৰ পৰা ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিৰ বাহিনীৰ আক্ৰমণৰ পিছতে খেৰছনৰ বৃহৎ অঞ্চল ৰাছিয়াৰ সেনাৰ হাতৰ পৰা গুচি যায়। সামৰিক পৰ্যবেক্ষকৰ মতে ইউক্ৰেইনৰ ডনেটস্ক আৰু মস্কোৱে ইউক্ৰেইনৰ সৈন্যৰ অগ্ৰগতি প্ৰতিহত কৰিবলৈ লুহানস্ক অঞ্চলত (সামূহিকভাৱে ডনবাছ বুলি কোৱা হয়) সৈন্য সংগ্ৰহ আৰম্ভ কৰিছে।
সেই উদ্দেশ্যৰ বাবে, খেৰছনৰ পৰা সেনাক আঁতৰকৰা হৈছে। ঘটনাক্ৰমে এমাহ আগতে পুটিনে ঘোষণা কৰিছিল যে ডনবাছ আৰু জাপোৰিজায়াৰ লগতে খেৰছনকলৈ "গণভোট" আয়োজন কৰি অঞ্চলটো ৰাছিয়াত অন্তৰ্ভুক্ত কৰা হ'ব। কিয়েভ আৰু পশ্চিমীয়া সংবাদ মাধ্যমে দাবী যে পূবৰ ডনবাছৰ বিস্তীৰ্ণ অঞ্চল, দক্ষিণৰ খেৰছনৰ পৰা উত্তৰ-পশ্চিমৰ খাৰকিভলৈ দখল কৰি লোৱা ৰাছিয়াৰ সেনাই এতিয়া ইউক্ৰেইনৰ সেনাৰ প্ৰতিশোধৰ বাবে আত্মৰক্ষাৰ পথ হিচাবে পিছুৱাই যোৱাত ব্যস্ত হৈ পৰিছে। ইপিনে পুটিনৰ আহ্বানত সেনাবাহিনীত বাধ্যতামূলক নিযুক্তি প্ৰক্ৰিয়া আৰম্ভ হোৱাৰ পিছত ৰাছিয়াৰ যুৱক-যুৱতীৰ এটা অংশই ভয়তে দেশ এৰিবলৈ আৰম্ভ কৰিছে।
Continue Reading
