পতনৰ পৰিণাম! ডাউ জোনছ ছাছটেইনেবিলিটি সূচকৰ পৰা আঁতৰ কৰিব আদানি এণ্টাৰপ্ৰাইজেছক

নেচনেল ষ্টক এক্সচেঞ্জে নিজস্ব  ৱেবছাইটত কয়, "বস্তুনিষ্ঠ মাপকাঠি যেনে মূল্য / ভলিউম ৰ তাৰতম্য, অস্থিৰতা আদি বিশ্লেষণ কৰি নিৰীক্ষণ আদানী গ্ৰুপৰ  চিকিউৰিটিৰ ওপৰত অতিৰিক্ত নিৰীক্ষণ ব্যৱস্থা (এ.এছ.এম.) থাকিব।" গৌতম আদানি নেতৃত্বাধীন আদানী গ্ৰুপৰ  গ্ৰুপৰ  ষ্টক প্ৰতিদিনে হ্ৰাস পাই  আহিছে ৷ হিণ্ডেনবাৰ্গ ৰিচাৰ্চৰ  প্ৰতিবেদন প্ৰকাশৰ পিছতে আদানী গ্ৰুপ ডুবিবলৈ লৈছে৷ দেশৰ কেইবাটাও প্ৰতিষ্ঠানৰ পৰা হাজাৰ হাজাৰ কোটি টকা  ধাৰলৈ লোৱা আদানী গ্ৰুপৰ প্ৰতিষ্ঠাপক গৌতম আদানীয়েও দেশৰ বাহিৰলৈ পলাই গৈ নিজকে সুৰক্ষিত কৰিব নেকি তাকেলৈয়ো প্ৰশ্ন উত্থাপন হৈছে৷প্ৰধানমন্ত্ৰী নৰেন্দ্ৰ মোদীৰ নয়নৰ মণি গৌতম আদানীৰ জালিয়াতিৰ কথা ইমান দিনে ঢাকি ৰখা হৈছিল যদিও মাৰ্কিন সংস্থাটোৱে সকলো গোঁমৰফাঁক কৰি দিয়াত এতিয়া অস্বস্তিত পৰিছে মোদী চৰকাৰৰ বহু বাঘা বাঘা নেতাও৷ 

আমেৰিকাৰ বিনিয়োগ গৱেষণা সংস্থা হিণ্ডেনবাৰ্গ ৰিচাৰ্চৰ প্ৰতিবেদনত কৰা এনে দাবীৰ পিছতে এক হুলস্থূলৰ সৃষ্টি হয়। আদানি গোটৰ কোম্পানীবোৰৰ শ্বেয়াৰ ৰাতিটোৰ ভিতৰতে হ্ৰাস পাবলৈ ধৰে। চেঞ্চেক্সো ক্ৰমে পৰি আহে। 

আমেৰিকা যুক্তৰাষ্ট্ৰৰ কোম্পানীটোৱে দাবী কৰিছে যে আদানি গ্ৰুপে জালিয়াতিৰে  কৰি ইয়াৰ কোম্পানীবোৰৰ শ্বেয়াৰৰ মূল্য বৃদ্ধি কৰিছে।অৰ্থাৎ একক দুই কৰি দেখুৱাই আদানি গ্ৰুপে শ্বেয়াৰৰ মূল্য বৃদ্ধি কৰিছে।  সংস্থাটোৰ  প্ৰতিবেদনত দাবী কৰা হৈছে যে তেওঁলোকে দুবছৰ ধৰি বিষয়টো অনুসন্ধান কৰাৰ পিছত এই তথ্য জানিব পাৰিছে।