পত্নী যদি ব্যভিচাৰী হয়, তেন্তে বিবাহ বিচ্ছেদৰ পাছত স্বামীয়ে ভৰণ-পোষণ ল’ব নালাগেঃ উচ্চ ন্যায়ালয়

ডিজিটেল ডেস্কঃ পত্নী যদি চৰিত্ৰহীনা হয়, তেন্তে বিবাহ বিচ্ছেদৰ পাছত স্বামীয়ে ভৰণপোষণ ল’ব নালাগে। এইধৰণৰ এটা ৰায় প্ৰদান কৰিছে পঞ্জাৱ আৰু হাৰিয়ানা হাই কোৰ্টে। ৰাটো প্ৰদান কৰি এগৰাকী মহিলাৰ এই সংক্ৰান্তীয় এখন আবেদন খাৰিজ কৰিছে আদালতে।

হাইকোৰ্টৰ এখন বিচাৰপীঠে এই ৰায়প্ৰদান কৰিছে। আবেদন দাখিল কৰা উক্ত মহিলাগৰাকীৰ বিৰুদ্ধে ব্যভিচাৰীতাৰ অভিযোগ আছিল বুলি আদালতে জনাইছে। মহিলাগৰাকীৰ স’তে তেওঁৰ স্বামীৰ ইতিমধ্যে পাৰিবাৰিক আদালতত বিবাহ বিচ্ছেদ হৈছে।

মহিলাগৰাকীৰ বিৰুদ্ধে স্বামীয়ে অভিযোগ কৰে যে তেওঁৰ ব্যৱহাৰ অতি উগ্ৰ। তদুপৰি শহুৰেককে ধৰি স্বামীৰ সম্বন্ধীয় লোকসকলক প্ৰায়ে অপমান কৰি আহিছে তেওঁ। নিজৰ স্বামীকো বন্ধুবৰ্গৰ সন্মুখত ঠাট্টা-মস্কৰা কৰি আহিছে।

কেৱল সেয়াই নহয়, দম্পত্তিহালৰ কোনো সন্তানো নাই। অভিযোগ অনুসৰি স্বামীৰ যৌন ক্ষমতা লৈও প্ৰশ্ন উত্থাপন কৰিছিল মহিলাগৰাকীয়ে।

পৰপুৰুষৰ স’তেও মহিলাগৰাকীয়ে দৈহিক সম্পৰ্কত লিপ্ত হোৱা বুলি স্বামীয়ে অভিযোগ কৰে। অভিযোগৰ স’তে তথ্যপ্ৰমাণো আদালতত জমা দিয়ে তেওঁ।

বিবাহ বিচ্ছেদৰ পাছত স্বামীৰ পৰা স্থায়ীভাৱে ভৰণপোষণ লাভ কৰিবলৈ হাইকোৰ্টৰ দ্বাৰস্থ হয় মহিলাগৰাকী। কিন্তু ব্যভিচাৰ আৰু চৰিত্ৰহীনতাৰ অভিযোগত এইদৰে তেওঁৰ আবেদন নাকচ কৰা হয়।