ডিজিটেল ডেস্কঃ পত্নীয়ে শুই থাকোতে টোপনিতে বাৰে বাৰে ল’লে ভিনিহিয়েকৰ নাম। পত্নীৰ মুখত ভিনিহিয়েকৰ নাম বাৰে বাৰে শুনি খঙত টিঙিৰি-তুলা হৈ পৰিল স্বামী।
স্বামীয়ে খঙতে পত্নীক প্ৰহাৰ কৰে। পত্নীয়ে কয় যে তেওঁ এটা ভয়ংকৰ সপোন দেখিছিল, যাৰ বাবে তেওঁ হয়তো নিজৰ ভিনিহিয়েকৰ নাম লৈছিল। দুয়োৰে মাজত কাজিয়া বাঢ়ি অহাত বিষয়টো থানা গৈ পায়৷
এই ঘটনা সংঘটিত হৈছে উত্তৰ প্ৰদেশৰ ৰামনগৰত। ছমাহ আগতে তেওঁলোক বিবাহপাশত আৱদ্ধ হৈছিল। যুৱকজনৰ অভিযোগ যে তেওঁৰ পত্নীয়ে সদায় শুই থকা অৱস্থাত ভিনিহিয়েকৰ নাম লৈ থাকে। দেওবাৰেও স্বামী-স্ত্ৰীয়ে গভীৰ নিশা নিজৰ ঘৰত শুই আছিল। ৰাতি প্ৰায় ১২ বজাত পত্নীয়ে টোপনিতে বাৰে বাৰে ভিনিহিয়েকৰ নাম ল’বলৈ ধৰে।
পত্নীয়ে বাৰে বাৰে ভিনিহিয়েকৰ নাম লৈ থকাত স্বামীয়ে হুলস্থুলৰ সৃষ্টি কৰিবলৈ ধৰিলে। পত্নীৰ বিৰুদ্ধে গুৰুতৰ অভিযোগ উত্থাপন কৰি স্বামীয়ে মাৰপিট কৰে। এই হুলস্থুলৰ বাবে ওচৰৰ ঘৰৰ পৰা বহু লোক সেই স্থানলৈ দৌৰি আহে। পতিয়ে সকলোৰে সমুখত পত্নীৰ বিৰুদ্ধে গুৰুতৰ অভিযোগ উত্থাপন কৰে। আনহাতে পত্নীয়ে কৈছিল যে ‘‘মই বহুত ভয়ংকৰ সপোন দেখিছিলোঁ। ভিনদেউৰ নাম চাগে সপোনত লৈছিলোঁ।’’
ইয়াৰ পাছত পুৱা হোৱাৰ লগে লগে স্বামীয়ে পত্নীৰ মাক-দেউতাকক ফোন কৰি অভিযোগ দিয়ে। বিষয়টো গৈ আৰক্ষী থানা পালেগৈ।স্বামী-স্ত্ৰী দুয়োকে থানালৈ মাতি আনে আৰক্ষীয়ে। আৰক্ষীয়ে দুয়োকে বুজাই দি তেওঁলোকৰ সকলো অভিযোগ নিষ্পত্তি কৰিলে। চুক্তিৰ অন্তত স্বামী-স্ত্ৰী নিজৰ ঘৰলৈ উভতি যায়।
সপোনত ভিনিহিয়েকৰ নাম লৈ থকা মহিলাগৰাকী এতিয়া অঞ্চলটোত চৰ্চাৰ বিষয় হৈ পৰিছে।
Continue Reading
