ডিজিটেল ডেস্কঃ পুৰীৰ জগন্নাথ মন্দিৰত অহিন্দু লোকৰ প্ৰৱেশ নিষেধ। ভগৱান বিষ্ণু ইয়াত জগন্নাথ ৰূপত বাস কৰে বুলি বিশ্বাস কৰা হয়। যোৱা কেইবাটাও দশক ধৰি এই মন্দিৰত কেৱল হিন্দুসকলকহে পূজা কৰিবলৈ দিয়া হৈছে। অহিন্দুসকলে এই মন্দিৰত প্ৰৱেশ কৰিব নোৱাৰে। বিদেশী পৰ্যটককো মন্দিৰত প্ৰৱেশ কৰিবলৈ দিয়া নহয়।
নিয়ম উলংঘা কৰি পুৰীৰ জগন্নাথ মন্দিৰত প্ৰৱেশ কৰা ৯ জন বাংলাদেশী নাগৰিকক গ্ৰেপ্তাৰ কৰিছে আৰক্ষীয়ে। দেওবাৰে সন্ধিয়া নিয়ম উলংঘা কৰি মন্দিৰত প্ৰৱেশ কৰে ৯ জন বাংলাদেশী নাগৰিকে। বিষয়টো দৃষ্টিগোচৰ হোৱাৰ লগে লগে বিশ্ব হিন্দু পৰিষদে থানাত এজাহাৰ দাখিল কৰে। এই এজাহাৰৰ আধাৰত আৰক্ষীয়ে ৯ জন লোকক গ্ৰেপ্তাৰ কৰে।
পুৰীৰ অতিৰিক্ত আৰক্ষী অধীক্ষক সুশীল মিশ্ৰই জনোৱা মতে, এই তথ্য লাভ কৰাৰ পিছতে আৰক্ষীৰ দল এটা সেই স্থানত উপস্থিত হয়। উলংঘাকাৰীক প্ৰথমে আটক কৰি তাৰ পিছত গ্ৰেপ্তাৰ কৰা হয়। অধিক তদন্তৰ বাবে তেওঁলোকক জিম্মাত লোৱা হৈছে।
উল্লেখ্য যে কেৱল হিন্দুসকলকহে এই মন্দিৰত প্ৰৱেশ কৰিবলৈ দিয়া হয়। এই তথ্য মন্দিৰ চৌহদত স্পষ্টকৈ লিখা আছে।
Continue Reading
