ডিজিটেল ডেস্কঃ বংগৰ মমতা বেনাৰ্জী নেতৃত্বাধীন তৃণমূল কংগ্ৰেছে পুনৰ ৰাজ্যসভা নিৰ্বাচনৰ পশ্চিমবংগৰ আসনৰ বাবে সুস্মিতা দেৱৰ নাম চূড়ান্ত কৰিলে।ইয়াৰ পূৰ্বেও তৃণমূল কংগ্ৰেছৰ পৰাই সুস্মিতা দেৱ পশ্চিমবংগৰ আসনত ৰাজ্যসভালৈ নিৰ্বাচিত হৈছিল ।
দেওবাৰে ত-ণমূল কংগ্ৰেছে সাংবাদিক সাগৰিকা ঘোষৰ লগতে আন তিনিজনক ৰাজ্যসভাৰ আগন্তুক নিৰ্বাচনৰ বাবে প্ৰাৰ্থিত্ব প্ৰদান কৰে। উল্লেখ্য চলিত বৰ্ষৰ এপ্ৰিল মাহত খালী হ'বলগীয়া বংগৰ ৰাজ্যসভাৰ পাঁচখন আসনৰ বাবে নিৰ্বাচন অনুষ্ঠিত হ'ব। " আগন্তুক ৰাজ্যসভা নিৰ্বাচনৰ বাবে সাগৰিকা ঘোষ, সুস্মিতা দেৱ, মহম্মদ নদীমুল হক আৰু মমতা বালা ঠাকুৰৰ প্ৰাৰ্থিত্ব ঘোষণা কৰি আমি আনন্দিত। আমি তেওঁলোকলৈ আমাৰ আন্তৰিক শুভেচ্ছা জ্ঞাপন কৰিছো আৰু তেওঁলোকে তৃণমূলৰ অদম্য মনোভাৱ তথা প্ৰতিজন ভাৰতীয়ৰ অধিকাৰৰ বাবে কাম কৰিব ," দলটোৱে দেওবাৰে আবেলি অফিচিয়েল এক্স হেণ্ডেলত এইদৰে ঘোষণা কৰে।
উল্লেখ্য কিছুদিন পূৰ্বে ১৫ খন ৰাজ্যৰ ৫৬ খন ৰাজ্যসভা আসনৰ নিৰ্বাচন দিন ঘোষণা কৰিছিল নিৰ্বাচন আয়োগে। বংগৰ উপৰি উত্তৰ প্ৰদেশ, মহাৰাষ্ট্ৰ, বিহাৰ, মধ্য প্ৰদেশ, গুজৰাট, অন্ধ্ৰ প্ৰদেশ, তেলেংগানা, ৰাজস্থান, কৰ্ণাটক, উত্তৰাখণ্ড, ছত্তীশগড়, ওড়িশা, হাৰিয়ানা আৰু হিমাচল প্ৰদেশত ৰাজ্যসভাৰ আসনৰ বাবে নিৰ্বাচন অনুষ্ঠিত হ'ব।
লোকসভা নিৰ্বাচনৰ দিন ক্ৰমে আগুৱাইছে। চলিত বৰ্ষৰ এপ্ৰিল মাহত লোকসভা নিৰ্বাচন অনুষ্ঠিত হোৱাৰ পূৰ্ণ সম্ভাৱনা আছে। ইয়াৰ পূৰ্বে দেশৰ ১৫ খন ৰাজ্যৰ ৫৬ খন ৰাজ্যসভাৰ আসনৰ বাবে নিৰ্বাচন অনুষ্ঠিত হ’ব। নিৰ্বাচন আয়োগে এই ৫৬ খন আসনৰ নিৰ্বাচনৰ তাৰিখ ঘোষণা কৰিছে।
নিৰ্বাচন আয়োগৰ মতে এই ৫৬ খন আসনৰ বাবে ২৭ ফেব্ৰুৱাৰীত ভোটগ্ৰহণ অনুষ্ঠিত হ'ব। ১৩ খন ৰাজ্যৰ ৫০ খন আসনৰ ম্যাদ ২ এপ্ৰিলত শেষ হ'ব। দুখন ৰাজ্যৰ ছয়খন আসনৰ সদস্যসকলৰ কাৰ্যকাল ৩ এপ্ৰিলত শেষ হ'ব। পশ্চিম বংগৰ উপৰিয ২৭ ফেব্ৰুৱাৰীত উত্তৰ প্ৰদেশ, মহাৰাষ্ট্ৰ, বিহাৰ, মধ্য প্ৰদেশ, গুজৰাট, অন্ধ্ৰ প্ৰদেশ, তেলেংগানা, ৰাজস্থান, কৰ্ণাটক, উত্তৰাখণ্ড, ছত্তীশগড়,ওড়িশা, হাৰিয়ানা আৰু হিমাচল প্ৰদেশত ৰাজ্যসভাৰ নিৰ্বাচন অনুষ্ঠিত হ'ব।
Continue Reading
