ডিজিটেল ডেস্কঃ হিন্দী চলচ্চিত্ৰ জগতৰ অন্যতম শীৰ্ষ অভিনেত্ৰী আলিয়া ভাটে সঞ্জয় লীলা ভাঞ্চালীৰ ‘গাংগুবাই কঠিয়াৱাদী’ ছবিৰ বাবে আজি ৰাষ্ট্ৰীয় বঁটা গ্ৰহণ কৰে। অনুৰাগীসকলে আলিয়াৰ সাজ-পোছাকৰ বাবে উৎসাহী হৈ পৰিছে। অনুষ্ঠানটোলৈ তেওঁ বিয়াৰ শাৰীখন পিন্ধি গৈছিল।
ৰাষ্ট্ৰীয় চলচ্চিত্ৰ বঁটা প্ৰদান অনুষ্ঠানত অভিনেতা-স্বামী ৰণবীৰ কাপুৰৰ সৈতে অনুষ্ঠানত অংশগ্ৰহণ কৰি ক্ৰীমৰঙৰ বিয়াৰ শাৰীখন পুনৰ পিন্ধে আলিয়া ভাটে।
বলীউডৰ তাৰকাগৰাকীয়ে যোৱা বছৰ এপ্ৰিল মাহত ৰণবীৰৰ সৈতে বিবাহপাশত আৱ্দ্ধ হৈছিল। অনুৰাগীয়ে ফেন একাউণ্টৰ কমেণ্ট ছেকচনত অভিনেত্ৰীগৰাকীক প্ৰশংসা কৰে।
উল্লেখ্য যে সঞ্জয় লীলা ভাঞ্চালীৰ গংগুবাই কঠিয়াৱাড়ীত অভিনয় কৰি আলিয়াই শ্ৰেষ্ঠ অভিনেত্ৰী ৰাষ্ট্ৰীয় চলচ্চিত্ৰ বঁটা লাভ কৰে। নতুন দিল্লীৰ বিজ্ঞান ভৱনত অনুষ্ঠিত হোৱা এই অনুষ্ঠানত ৰাষ্ট্ৰপতি দ্ৰৌপদী মুৰ্মুৱে প্ৰাপকসকলক বঁটা প্ৰদান কৰে।
'মিমি' ছবিত অভিনয়ৰ বাবে এই বঁটা লাভ কৰা কৃতি ছাননৰ সৈতে আলিয়াই ভাগ কৰিছে শ্ৰেষ্ঠ অভিনেত্ৰীৰ বঁটা।
Continue Reading
