ডিজিটেল ডেস্কঃ দেশজুৰি গাখীৰৰ মূল্যবৃদ্ধি চলি আছে।আকৌ এবাৰ মাদাৰ ডেইৰীয়ে গাখীৰৰ মূল্য বৃদ্ধি কৰিলে। আগশাৰীৰ গাখীৰ কোম্পানীটোৱে ফুল ক্ৰীম আৰু টোকেন গাখীৰৰ মূল্য বৃদ্ধি কৰিছে।
মাদাৰ ডেইৰীয়ে ফুল ক্ৰীম গাখীৰৰ মূল্য প্ৰতি লিটাৰত ১ ৰে বৃদ্ধি কৰাৰ কথা ঘোষণা কৰিছে। প্ৰতি লিটাৰত টোকেন গাখীৰৰ মূল্য ২ টকা বৃদ্ধি কৰা হৈছে।
জানিব পৰা মতে কোম্পানীটোৱে দিল্লী-এনচিআৰৰ গ্ৰাহকসকলৰ বাবে গাখীৰৰ এই মূল্য বৃদ্ধি কৰিছে ।ইয়াৰ পূৰ্বেও অক্টোবৰ মাহত মাদাৰ ডেইৰীয়ে ফুল ক্ৰীম গাখীৰৰ মূল্য ২ টকা বৃদ্ধি কৰিছিল। তাৰ পিছত এক লিটাৰ ফুল ক্ৰীম গাখীৰ প্ৰতি লিটাৰত ৬৩ টকা আছিল।
এতিয়া ফুল ক্ৰীম গাখীৰত এক টকা বৃদ্ধি কৰাৰ পিছত এক লিটাৰ গাখীৰৰ বাবে ৬৩ টকাৰ পৰিৱৰ্তে ৬৪ টকা দিব লাগিব। কোম্পানীটোৱে এই ক্ষেত্ৰত কৈছে যে নতুন মূল্য সোমবাৰৰ পৰা কাৰ্যকৰী হ’ব।
এইখিনিতে প্ৰশ্নৰ উদ্ভৱ হৈছে মাদাৰ ডেইৰীৰ দৰেই আমুলেও দাম বৃদ্ধি কৰিব নেকি? দিৱালীৰ পূৰ্বে আমুলে লিটাৰত ২ টকাকৈ মূল্য বৃদ্ধি কৰিছিল।
এতিয়া গুজৰাট নিৰ্বাচনৰ পাছতে আমুলেও দাম বৃদ্ধি কৰিব নেকি সেই লৈ চৰ্চা চলিছে।
Continue Reading
