ডিজিটেল ডেস্কঃ এসময়ত হৃত্বিক ৰোশন আৰু কংগনা ৰানাৱতৰ মাজত হোৱা সংঘাতৰ বাবে হুলস্থুলীয়া হৈ পৰিছিল মায়ানগৰী বলিউড। দুই পক্ষৰ মাজত কথা কটা-কটি চলিছিল। পৰিস্থিতি আদালতৰ মজিয়াও পাইছিল। কিন্তু সেই সকলোবোৰ এতিয়া অতীত। শেহতীয়াকৈ পুনৰ কংগনাই হৃত্বিকক লৈ মন্তব্য কৰিছে।
বৰ্তমান 'চন্দ্ৰমুখী’ৰ শ্বুটিঙত ব্যস্ত কংগনা। শ্বুটিঙৰ পৰা বিৰতি লৈ তেওঁ টুইটাৰলৈ আহি অনুৰাগীৰ সৈতে পোনপটীয়াকৈ ভাৱ বিনিময় কৰিছিল। এজন অনুৰাগীয়ে কংগনাক হৃত্বিকৰ বিষয়ে সুধিছিল। কংগনাক সোধে- ''হৃতিক ৰোশন বা দিলজিৎ দোসাঞ্জ, এই দুজনৰ ভিতৰত আপোনাৰ প্ৰিয় অভিনেতা কোন?’’
কংগনাই লিখে- "এজনে ভাল একচন কৰে, আনজনে ভাল গীত লিখে, দুয়োজনৰে কোনো এজনকো অভিনয় কৰা মই কেতিয়াও দেখা নাই। আপোনালোকৰ কোনোবাই যদি দেখিছে মোক জনাওক।’’
কংগনাই অলপ ধেমালি কৰিয়ে প্ৰশ্নৰ উত্তৰ দিলে বুলি বহুজনে ধাৰণা কৰিছে। অৱশ্যে কোনেও বুজাত অসুবিধা নহ’ল যে কংগনাই হৃতিকক এই মন্তব্যৰ দ্বাৰাও অপমানেই কৰিছে।
উল্লেখ্য যে 'কৃষ' ছবিত কাম কৰি থাকোঁতে কংগনা আৰু হৃত্বিকৰ মাজত যোগাযোগ স্থাপন হৈছিল। ইয়াৰ পিছত ২০১৬ চনত তেওঁলোকে ইজনে সিজনৰ বিৰুদ্ধে একাধিক অভিযোগ উত্থাপন কৰে। এতিয়া দুয়োগৰাকীৰ মাজত কোনো ধৰণৰ সম্পৰ্ক নাই।
Continue Reading
