ডিজিটেল ডেস্কঃ বিতৰ্কই পাছ নেৰা হৈছে ইণ্ডিগ’ক৷শেহতীয়াকৈ এজন যাত্ৰীয়ে বিমান সংস্থাটোক তীব্ৰ সমালোচনা কৰি ইয়াক “জীৱনৰ আটাইতকৈ বেয়া বিমান অভিজ্ঞতা” বুলি অভিহিত কৰাৰ পাছতে ইণ্ডিগ’ই ধন ঘূৰাই দিয়ে। ১৩ জানুৱাৰীত এক্সৰ এটা পোষ্টত দেবাৰঘ্য দাসে কলকাতাৰ পৰা বেংগালুৰুলৈ যোৱা বিমানখন সাত ঘণ্টা পলম হোৱাৰ বাবে হতাশা প্ৰকাশ কৰিছিল, যাৰ ফলত তেওঁ আন্তঃৰাষ্ট্ৰীয় বিমানত উঠাত ব্যৰ্থ হয়।
নিজৰ পোষ্টত দাসে কয় যে, "মোৰ নিশা ১০ বজাৰ কলিকতা—বেংগালুৰুৰ বিমানখন পুৱা ৪:৪১ বজাত ৰাওনা হৈছিল, মুঠ ৭ ঘণ্টা পলম হোৱাৰ পাছত মই আন্তঃৰাষ্ট্ৰীয় বিমান এখন মিছ কৰিলোঁ।"
এক্সৰ দীঘলীয়া পোষ্টত দাসে টিকটৰ ছবিৰ লগতে নিজৰ অভিজ্ঞতাৰ সবিশেষ শ্বেয়াৰ কৰিছিল।দাসে লগতে দাবী কৰে যে ইণ্ডিগ’ৰ কৰ্মচাৰীসকলে তেওঁক বৰ্তমানৰ বিমানখন বাতিল কৰি আন এটা টিকট বুকিং কৰাত সহায় নকৰাটো অতি পৰিতাপৰ কথা।লগতে দাসে দাবী কৰে যে বিমান সংস্থাটোৱে তেওঁৰ বিমান বাতিল কৰি তেওঁৰ চেক ইন কৰা লাগেজ ঘূৰাই আনিবলৈ প্ৰায় দুঘণ্টা সময় লৈছিল।
Continue Reading
