ডিজিটেল ডেস্কঃ ঝাৰখণ্ডৰ মুখ্যমন্ত্ৰী হেমন্তৰ সোৰেণৰ ঘৰত উপস্থিত হ’ল ইডি।। কেৱল সেয়াই নহয় হেমন্তৰ সোৰেণৰ বাসগৃহৰ চৌদিশৰ কিছু এলেকাত ১৪৪ ধাৰা জাৰি কৰা হৈছে। বুধবাৰে ইডিৰ জেৰা আৰম্ভ হোৱাৰ আগতে হেমন্ত সোৰেণে তেওঁৰ পিতৃ শিবু সোৰেণৰ সৈতে কিছু সময় কথা পাতে। দলৰ বিধায়কসকলেও তেওঁৰ বাসগৃহত উপস্থিত হয় । ইডিৰ অভিযানৰ বিুৰুদ্ধে জেএমএমৰ কৰ্মীসকলে প্ৰতিবাদ আৰম্ভ কৰিছে।
তেওঁলোকে ৰাজভৱনলৈ যাত্ৰা কৰাৰ সম্ভাৱনা আছে বুলি বিশেষ সূত্ৰই প্ৰকাশ কৰিছে। কঠোৰ নিৰাপত্তাৰ মাজত হেমন্ত সোৰেনক প্ৰশ্ন কৰিবলৈ ইডিৰ দলটো তেওঁৰ বাসভৱনত উপস্থিত হয় । বুধবাৰে দুপৰীয়া প্ৰায় ১ বজাত ইডিৰ বিষয়াসকল ঝাৰখণ্ডৰ মুখ্যমন্ত্ৰীৰ বাসগৃহত উপস্থিত হয়। তেওঁলোকৰ লগত চিআৰপিএফৰ এটা ডাঙৰ দলো আছে। বিশেষ সূত্ৰই প্ৰকাশ কৰা মতে যদি হেমন্তক ইডিয়ে গ্ৰেপ্তাৰ কৰে তেন্তে ঝাৰখণ্ডত অশান্তিৰ জুই জ্বলি উঠিব পাৰে।
বহুদিন ধৰি এইবুলি চৰ্চা হৈ আহিছে যে হেমন্ত সোৰেণক গ্ৰেপ্তাৰ কৰিলে তেওঁৰ পত্নী কল্পনাই ঝাৰখণ্ডৰ মুখ্যমন্ত্ৰীৰ চকীত বহিব পাৰে। সম্ভৱতঃ হেমন্তে এই বিষয়ে আলোচনা কৰিবলৈ তেওঁৰ পিতৃক লগ কৰিবলৈ গৈছিল। ৰাজ্যখনত আইন-শৃংখলা বজাই ৰখাৰ বাবে বিত্ত সচিবৰ নেতৃত্বত তিনিজনীয়া দল গঠন কৰা হৈছে।
২০ জানুৱাৰীত ইডিয়ে বাসভৱনতে হেমন্ত সোৰেণক সোধা-পোছা কৰিছিল। ভূমি কেলেংকাৰিৰ লগতে ধনৰ অবাধ সৰবৰাহৰ গোচৰত ইডিয়ে সোৰেণক জেৰা চলাই আছে। সোধা-পোছাৰ সময়ত ইডিৰ বিষয়াসকল সন্তুষ্ট হোৱা নাই । সেইবাবেই ইডিয়ে তেওঁক অধিক প্ৰশ্ন কৰাৰ বাবে পুনৰ জেৰা চলাইছে। ইপিনে মুখ্যমন্ত্ৰী হেমন্ত সোৰেনে ইডিৰ বিৰুদ্ধে এজাহাৰ দাখিল কৰিছে। দিল্লীৰ এছটি-এছচি আৰক্ষী থানাত সোৰেণে ইডিৰ বিৰুদ্ধে এজাহাৰ দাখিল কৰিছে।
Continue Reading
