ডিজিটেল ডেস্কঃ বিগত কিছুদিন ধৰি শান্ত হৈ থকাৰ অন্তত পুনৰ অশান্ত হৈ পৰিছে মণিপুৰ। মঙলবাৰে পুৱা সন্দেহযুক্ত উগ্ৰপন্থীয়ে ৰাজ্য খনত এজন আৰক্ষী বিষয়াক (এছডিপিঅ') গুলীয়াই হত্যা কৰে। এক্স প্লেটফৰ্মত মুখ্যমন্ত্ৰী এন বীৰেন সিঙে এই কথা প্ৰকাশ কৰিছে।
মৃত এছডিপিঅ' গৰাকীৰ চিংথাম আনন্দ আৰু তেওঁ মোৰেহত নিযুক্ত আছিল। আজি পুৱা তেওঁ সীমান্তৱৰ্তী চহৰ খনৰ পূব অংশত এখন নতুনকৈ নিৰ্মাণ কৰা হেলিপেড পৰিদৰ্শন কৰি আছিল। তেতিয়াই তেওঁক দুৰ্বৃত্তই গুলীয়াই হত্যা কৰে। আৰক্ষী বিষয়াগৰাকীৰ পেটত গুলী লাগে।তেওঁক ততাতৈয়াকৈ মোৰেহৰ প্ৰাথমিক স্বাস্থ্য কেন্দ্ৰলৈ লৈ যোৱা হৈছিল যদিও তেওঁ মৃত্যুবৰণ কৰে।
এছডিপিঅ'গৰাকীৰ হত্যাত শোক প্ৰকাশ কৰি মুখ্যমন্ত্ৰী বীৰেণ সিঙে এক্সত এক শোকবাৰ্তা লিখিছে। মুখ্যমন্ত্ৰী সিঙে কয় যে ম্যানমাৰৰ নাগৰিকসকলে অস্থিৰতাৰ সৃষ্টি কৰিবলৈ মণিপুৰত প্ৰৱেশ কৰিছে।
ইপিনে দিনৰ পোহৰতে এজন শীৰ্ষ আৰক্ষী বিষয়াক দুৰ্বৃত্তই গুলীয়াই হত্যা কৰাৰ পিছতে আজি মণিপুৰ কেবিনেটৰ এখন জৰুৰী বৈঠক মুখ্যমন্ত্ৰীৰ কাৰ্যালয়ত অনুষ্ঠিত কৰা হয়। বৈঠকত ৰাজ্য খনত আকস্মিকভাবে অৱনমিত হোৱা আইন-শৃংখলা পৰিস্থিতিৰ বিষয়ে আলোচনা কৰা হয়।
Continue Reading
