ডিজিটেল ডেস্কঃ কংগ্ৰেছৰ প্ৰাক্তন সভানেত্ৰী ছোনিয়া গান্ধীৰ স্বাস্থ্য বিগত কিছু বছৰ ধৰি সিমান ভাল হৈ থকা নাই৷ যোৱা বছৰ একাধিকবাৰ বাৰ ছোনিয়া গান্ধীক চিকিৎসালয়ত ভৰ্তি কৰোবালগীয়া হৈছিল৷ শেহতীয়াকৈ পুনৰ গান্ধী অসুস্থ হৈ পৰাত দিল্লীৰ শ্ৰী গংগা ৰাম চিকিৎসালয়ত ভৰ্তি কৰোৱা হৈছে।
তেওঁক জ্বৰৰ বাবে চিকিৎসালয়ত ভৰ্তি কৰোৱা হৈছে বুলি চিকিৎসালয়ৰ সূত্ৰই প্ৰকাশ কৰিছে৷ চিকিৎসালয়ৰ সূত্ৰ লগতে এইবুলিও কৈছে যে ছোনিয়াৰ অৱস্থা বৰ্তমান স্থিৰ। অৱশ্যে, তেওঁৰ কেইটামান পৰীক্ষা কৰোৱাব লাগিব বুলি সূত্ৰটোৱে প্ৰকাশ কৰে৷ ছোনিয়াৰ শাৰীৰিক অৱস্থা নিৰীক্ষণ কৰিবলৈ চিকিৎসকৰ এটা দল গঠন কৰা হৈছে।
উল্লেখ্য এই বছৰৰ জানুৱাৰীত শ্বাসতন্ত্ৰৰ সংক্ৰমণৰ বাবে ছোনিয়াক চিকিৎসালয়ত ভৰ্তি কৰোৱা হৈছিল। তিনি মাহত তেওঁক দ্বিতীয়বাৰৰ বাবে তেওঁক চিকিৎসালয়ত ভৰ্তি কৰোৱা হৈছে।ছোনিয়াৰ পুত্ৰ ৰাহুল গান্ধী বৰ্তমান বিদেশত আছে৷ পৰিয়ালৰ আন লোকসকলে ছোনিয়াৰ খবৰ কৰি আছে৷
Continue Reading
