পুনৰ অসুস্থ লতা মংগেশকাৰ, ভেণ্টিলেটৰত সংগীত সম্ৰাজ্ঞী

ডিজিটেল ডেস্ক: ক্ৰমাৎ অৱনতি ঘটিছে লতা মংগেশকাৰ'ৰ স্বাস্থ্য৷ প্ৰসিদ্ধ কণ্ঠশিল্পী ৯২ বছৰীয়া লতা মংগেশকাৰৰ অৱস্থা সংকটজনক হৈ পৰিছে। উল্লেখ্য যে, বিগত ২৭ দিন ধৰি, তেওঁ মুম্বাইৰ ব্ৰিচ কেণ্ডি চিকিৎসালয়ত চিকিৎসাধীন হৈ আছে তেওঁ। শেহতীয়াকৈ, প্ৰকাশ পোৱা তথ্য অনুসৰি, তেওঁক ভেণ্টিলেটৰৰ সহায়ৰ পৰা আঁতৰাই দিয়া হৈছিল৷ কিন্তু অলপতে পোৱা খবৰ অনুসৰি, লতা দি পুনৰ হৈ পৰিছে অসুস্থ৷ পুনৰ এবাৰ অৱনতি ঘটিছে বিশিষ্ট গায়িকাগৰকীৰ৷ আজি পুনৰ ভেণ্টিলেটৰলৈ স্থানান্তৰ কৰা হৈছে তেওঁক। কৰ’না আৰু নিমোনিয়াত আক্ৰান্ত হোৱাৰ পাছত তেওঁক ৮ জানুৱাৰীত চিকিৎসালয়ত ভৰ্তি কৰোৱা হৈছিল। বিগত মাহৰ পৰা মুম্বাইৰ ব্ৰিচ কেণ্ডি চিকিৎসালয়ৰ আইচিইউত ভৰ্তি হৈ আছিল প্ৰবীণ গায়িকা লতা মংগেশকাৰ। ব্ৰিচ কেণ্ডি চিকিৎসালয়ৰ চিকিৎসকৰ এক বিবৃতি অনুসৰি, তেওঁৰ 'স্বাস্থ্যৰ অৱস্থা পুনৰ অৱনতি ঘটিছে।' ব্ৰিচ কেণ্ডি চিকিৎসালয়ৰ ডাঃ প্ৰতিত সম্ধানীয়ে কয়, 'গায়িকা লতা মংগেশকাৰৰ অৱস্থা পুনৰ অৱনতি ঘটিছে আৰু তেওঁ ভেণ্টিলেটৰত সংকটজনক অৱস্থাত চিকিৎসাধীন হৈ আছে।' তেওঁ কৈছিল যে, তেওঁ আইচিইউত আছে আৰু পৰ্যবেক্ষণত আছে। তেওঁক বিগত সপ্তাহত ভেণ্টিলেটৰৰ পৰা আঁতৰাই অনা হৈছিল। ৯২ বছৰীয়া লতা মংগেশকাৰক জানুৱাৰীৰ প্ৰথম সপ্তাহত ক'ভিডত আক্ৰান্ত হোৱাৰ পাছত ব্ৰিচ কেণ্ডিত ভৰ্তি কৰোৱা হৈছিল৷’