ডিজিটেল ডেস্কঃ পুনৰ সামাজিক মাধ্যমযোগে নিকৃষ্ট মন্তব্যৰ চিকাৰ হ’ল মহেন্দ্ৰ সিং ধোনী আৰু বিৰাট কোহলীৰ জীয়ৰী। দুয়োগৰাকী তাৰকা ক্ৰিকেটাৰৰ জীয়ৰীক এজন লোকে অশ্লীল মন্তব্য দিয়ে। তাৰপাছতে দিল্লী আৰক্ষীয়ে সোমবাৰে অভিযুক্তজনৰ বিৰুদ্ধে এখন এজাহাৰ পঞ্জীয়ন কৰিছে।
দিল্লী মহিলা আয়োগৰ (ডিচিডব্লিউ) অধ্যক্ষা স্বাতী মালিৱালে এই সন্দৰ্ভত দিল্লী আৰক্ষীৰ চাইবাৰ চেললৈ জাননী প্ৰদান কৰিছিল। তেওঁ কয় যে ৬টাকৈ সামাজিক মাধ্যমৰ একাউণ্টৰ পৰা ধোনীৰ জীয়ৰী জিভা আৰু কোহলীৰ কন্যা ভামিকাৰ বিষয়ে অশালীন মন্তব্য পোষ্ট কৰা হৈছিল। মহিলা আয়োগৰ জাননী পোৱাৰ লগে লগে দিল্লী আৰক্ষীয়ে ব্যৱ্স্থা গ্ৰহণ কৰে। সেই অভিযোগৰ ভিত্তিত কেওটা ছ'চিয়েল মিডিয়া একাউণ্টৰ বিৰুদ্ধে এখন এজাহাৰ দাখিল কৰা গৈছে।
স্বাতী মালিৱালে টুইট কৰি কয়, "মই জাননী প্ৰদান কৰাৰ পিছত দিল্লী আৰক্ষীয়ে ধোনী (এম এছ ধোনী) আৰু কোহলীৰ জীয়েকক অশ্লীল মন্তব্য দিওঁতাসকলৰ বিৰুদ্ধে গোচৰ ৰুজু কৰিছে। অতি সোনকালেই সকলো অপৰাধীক কাৰাগাৰলৈ লৈ যোৱা হ'ব।’’
জানিব পৰা গৈছে যে কেৱলন সন্তানেই নহয়, দুয়োজন প্ৰাক্তন ভাৰতীয় অধিনায়কৰ পত্নীকো এই সামাজিক একাউণ্টবোৰৰ পৰা নিৰ্মাণ কৰা হৈছে। আৰক্ষীয়ে অভিযুক্তজনক বিচাৰি আছে। অৱশ্যে, এতিয়ালৈকে কোনো গ্ৰেপ্তাৰ কৰা হোৱা নাই।
Continue Reading
