ডিজিটেল ডেস্ক: আপুনি পৰম হেঁপাহেৰে খাবলৈ লৈছে এটা গৰম ছিংৰা৷ আৰু ছিংৰাটো খাবলৈ আৰম্ভ কৰাৰ পাছতেই আপুনি ভিতৰত দেখিলে এডাল মৃত জেঠী৷ তেতিয়া কেনে অনুভৱ হ’ব আপোনাৰ?
উত্তৰ প্ৰদেশৰ হাপুৰত সংঘটিত হৈছে এনে আশ্চৰ্যকৰ ঘটনা৷ হাপুৰৰ এখন হোটেলত এজন গ্ৰাহকে গৰম ছিংৰা খাবলৈ বিচাৰিছিল৷ কিন্তু ছিংৰাটোৰ টুকুৰা এটা খোৱাৰ লগে লগে তেওঁৰ হতচকিত হৈ পৰিছিল৷ তেওঁ তেওঁৰ চকুৰ সন্মুখত এনেকুৱা এটা দৃশ্য দেখিছিল, যিয়ে তেওঁক আচৰিত কৰি তুলিছিল৷ তেওঁ লগে লগে দোকানীজনক আৰু চাৰিওফালে থিয় হৈ থকা মানুহবোৰক দেখুৱালে কেনেকৈ ছিংৰাৰ ভিতৰত জেঠী এডাল দেখা গৈছিল৷ এই ফটোবোৰ ইতিমধ্যে সামাজিক মাধ্যমত ভাইৰেল হৈ পৰিছে।
প্ৰকৃততে গোটেই ঘটনাটো কোতৱালী পিলখুৱাৰ মহল্লা কৃষ্ণগঞ্জত অৱস্থিত পূজা মিঠাইৰ। এই দোকানখন অঞ্চলটোৰ এখন বিখ্যাত মিঠাইৰ দোকান। য’ত ছিংৰাত জেঠী উদ্ধাৰ হোৱাৰ বাবে চাঞ্চল্যৰ সৃষ্টি হৈছিল। যিজন গ্ৰাহকৰ ছিংৰাত জেঠী পোৱা গৈছিল, তেওঁ দোকানখনৰ সন্মুখত হুলস্থূলৰ সৃষ্টি কৰিছিল।
গ্ৰাহকে দোকানীজনৰ ওপৰত মানুহৰ স্বাস্থ্যৰ সৈতে ল’ৰা-ধেমালি কৰাৰ অভিযোগ উত্থাপন কৰিছে। ছিংৰাৰ পৰা জেঠীডাল ওলাই অহাৰ পাছত মানুহজনৰ স্বাস্থ্যৰ অৱনতি ঘটিছিল আৰু তেওঁ বমি কৰিবলৈ আৰম্ভ কৰিছিল।
তথ্য পোৱাৰ পাছত স্থানীয় আৰক্ষীও ঘটনাস্থলীত উপস্থিত হৈছিল। কিছু সময়ৰ পিছত খাদ্য বিভাগৰ বিষয়াসকলো উপস্থিত হৈছিল, কিন্তু সেই সময়ত তেওঁলোকে কোনো ব্যৱস্থা গ্ৰহণ কৰা নাছিল।
Continue Reading
