ডিজিটেল ডেস্কঃ মহিলাগৰাকীয়ে সন্তান বিচাৰে৷ কিন্তু কোনো পুৰুষৰ সৈতে যৌন সম্পৰ্ক স্থাপন নকৰাকৈয়েই তেওঁ সন্তানৰ মাক হ’বলৈ বিচাৰে৷ নাম তেওঁৰ আমেলা স্মাইলবেগোভিচ। পেছাত এগৰাকী উদ্যোগী৷ নিজকে নাৰীবাদী বুলি পৰিচয় দি ভালপোৱা আমেলাই এতিয়া আমেৰিকা যুক্তৰাষ্ট্ৰৰ ফ্লৰিডাত বাস কৰে।
মহিলাৰ স্বাধীনতাত বিশ্বাস কৰা আমেলাই কোনো কামৰ বাবে পুৰুষৰ ওপৰত নিৰ্ভৰ কৰিব নিবিচাৰে। তেওঁ এটা সন্তান জন্ম দিব বিচাৰে, কিন্তু কোনো পুৰুষৰ সহায় নোলোৱাকৈ৷ ইয়াৰ বাবে মহিলাগৰাকীয়ে তেওঁৰ ডিম্বাণু হিমায়িত কৰি সংৰক্ষণ কৰিবলৈ সিদ্ধান্ত লৈছে৷ তেওঁ ৩৯ বছৰ বয়সত সেই ডিম্বাণু ব্যৱহাৰ কৰি মাতৃ হ'ব বিচাৰে।
আমেলা জন্মগতভাৱে আমেৰিকা যুক্তৰাষ্ট্ৰৰ বাসিন্দা নহয়। ১৯৯৪ চনত তেওঁ যুগোশ্লাভিয়াৰ পৰা আমেৰিকালৈ পলাই আহিছিল। সংগ্ৰামৰ মাজেৰে জীৱন আৰম্ভ কৰা মহিলাগৰাকী এতিয়া কেইবা কোটি টকাৰ গৰাকী। তেওঁ কৈ আহিছে যে এগৰাকী মহিলা হিচাবে প্ৰতিটো পৰিস্থিতিত তেওঁ পুৰুষতান্ত্ৰিক বৈষম্যৰ সন্মুখীন হৈছে ৷ গতিকে তেওঁ নিজৰ কোনো কামৰ বাবে পুৰুষৰ ওপৰত নিৰ্ভৰ কৰিব নিবিচাৰে।
আমেলাই সামাজিক মাধ্যমত কৈছেযে তেওঁ ৩৭ ত ভৰি দিছে। তেওঁ অনুভৱ কৰে যে কামৰ চাপত সন্তান জন্ম দিয়াৰ কথা তেওঁ পাহৰি গৈছে। কিন্তু এদিন তেওঁ সঁচাকৈয়ে মাতৃ হ'ব বিচাৰে। তেওঁ ৩৯ বছৰ বয়সত মাতৃ হোৱাৰ সিদ্ধান্ত লৈছে। গতিকে তেওঁ তেওঁৰ ডিম্বাণু হিমায়িত কৰি ৰখাৰ সিদ্ধান্ত লৈছে।
Continue Reading
