আবেলি ২ বজাত সোণাপুৰৰ জুবিনক্ষেত্ৰত উপস্থিত হ'ব ৰাহুল গান্ধী; গঢ়ি তোলা হৈছে কটকটীয়া নিৰাপত্তা ব্যৱস্থা

ডিজিটেল ডেস্কঃ আজি গুৱাহাটীলৈ আহিব ৰাহুল গান্ধী। আবেলি ২ বজাৰ লগে লগে সোণাপুৰৰ জুবিন ক্ষেত্ৰত উপস্থিত হ'ব লোকসভাৰ বিৰোধী দলপতি ৰাহুল গান্ধী।

বিমান বন্দৰৰ পৰা পোনে পোনে জুবিনৰ শেষকৃত্যস্থলীলৈ আহি ৰাহুল গান্ধীয়ে শ্ৰদ্ধাঞ্জলি জ্ঞাপন কৰিব প্ৰাণৰ শিল্পীগৰাকীক।

কালি আবেলিৰ ভাগত জুবিনক্ষেত্ৰ গৌৰৱ গগৈয়ে পৰ্যবেক্ষণ কৰা পিছত আজি পুৱাৰে পৰা সোণাপুৰৰ এই স্থানত গঢ়ি তোলা হৈছে কটকটীয়া নিৰাপত্তা ব্যৱস্থা।

কোনো ধৰণৰ অপ্ৰীতিকৰ পৰিস্থিতিৰ যাতে সৃষ্টি নহয় তাৰ বাবে সষ্টম হৈ আছে আৰক্ষী, অৰ্ধ-সামৰিক বাহিনীৰ লগতে জিলা প্ৰশাসন।

শেষকৃত্যস্থলীৰ ওচৰে-পাজৰে প্ৰায় ৫০০মিটাৰ দূৰত্বলৈ সাধাৰণ লোকৰ বাবে পাৰ্কিং নিষিদ্ধ কৰিছে আৰক্ষী-প্ৰশাসনে।

জুবিনক্ষেত্ৰত উপস্থিত লোকসকলৰ গতি-বিধি তন্ন-তন্নকৈ নিৰীক্ষণ কৰা বাবে অতিৰিক্ত কৈ সংলগ্ন কৰা হৈছে কেইবাটাও চিচিটিভি কেমেৰা।