ঋষভ পণ্ট নহয়, উৰ্বশীৰ আৰপি আন কোনোবাহে! ইনষ্টাগ্ৰামত উৰ্বশীৰ এটা প’ষ্টক লৈ ব্যাপক চাঞ্চল্য

ডিজিটেল ডেস্কঃ উৰ্বশী ৰাউতেলাই কোৱা আৰপি ঋষভ পণ্ট নহয় নেকি? বিগত কিছুদিন ধৰি পণ্ট আৰু উৰ্বশীৰ মাজত চলা চৰ্চাৰ মাজতে শেহতীয়াকৈ এই লৈ অনুৰাগী মহলত ব্যাপক উৎকণ্ঠা দেখা গৈছে।

উৎকণ্ঠাৰ কাৰণ হৈছে ইনষ্টাগ্ৰামত উৰ্বশীয়ে শ্বেয়াৰ কৰা এখন ফটো। আৰপি হেজটেগ দি লিখা ইনষ্টাগ্ৰাম প’ষ্টটোত উৰ্বশীৰ স’তে এজন যুৱকক দেখা গৈছে। তেওঁ হৈছে দক্ষিণ ভাৰতৰ তাৰকা অভিনেতা ৰাম পন্থিনেনি।

তাৰপাছতে অনুৰাগীসকলে ক’ব বিচাৰিছে যে ঋষভ পণ্ট নহয়, ৰাম পন্থিনেনিহে উৰ্বশীৰ প্ৰকৃত আৰপি! ইনষ্টাগ্ৰাম প’ষ্টটো উৰ্বশীয়ে দিয়াৰ পাছতে এতিয়া ইয়াক লৈ তীব্ৰ চৰ্চা চলিছে।

উল্লেখ্য যে যোৱা কিছুদিন ধৰি ঋষভ আৰু উৰ্বশীৰ সম্পৰ্কক লৈ ব্যাপক চৰ্চা চলিছিল। জানিব পৰামতে, ২০১৮ চনত দুয়োৰে মাজত সম্পৰ্ক আছিল যদিও পাছত ঈশা নেগীৰ স’তে সম্পৰ্ক গঢ়ে ঋষভে।

তাৰপাছতে সামাজিক মাধ্যমত দুয়োগৰাকী তাৰকাই ইজনে সিজনক কেইবাবাৰো কটাক্ষ কৰি আহিছে। তাৰ স’তে যুক্ত হ’ল উৰ্বশীৰ শেহতীয়া এই প’ষ্টটো।