ডিজিটেল ডেস্কঃ ঋষভ পণ্টক চৰিয়াব বিচাৰে কপিল দেৱে। ভয়াৱহ মটৰ দুৰ্ঘটনাত পতিত হৈ চিকিৎসালয়ত দিন কটাই থকা তাৰকা ক্ৰিকেটাৰগৰাকীৰ মংগলৰ বাবেই চৰ মাৰিব বিচাৰে ভাৰতৰ প্ৰথম বিশ্বকাপ বিজয়ী অধিনায়ক কপিল দেৱে।
এটা সাক্ষাৎকাৰত কপিলে কয়- ''মই পণ্টক বহুত ভাল পাওঁ। যাতে মই গৈ তাক চৰ মাৰিব পাৰো, সেইবাবে তাৰ আশু আৰোগ্য কামনা কৰিলোঁ। মই তাক চৰ মাৰিম আৰু ক’ম যে নিজৰ ওপৰত গুৰুত্ব দিয়ক।’’
তেওঁ কয়- ''এই দুৰ্ঘটনাত কেৱল তেওঁৰ নিজৰ ক্ষতি নহয়, সমগ্ৰ দলটোও ক্ষতিগ্ৰস্ত হৈছে। ভাল পালেও তাৰ ওপৰত সেয়ে খং উঠিছে। নিজৰ জীৱনক ইমান বিপদত পেলোৱাৰ বাবে মই তাক চৰ মাৰিম।''
কপিলে নিজকে পণ্টৰ অভিভাৱক বুলি গণ্য কৰে। সেয়ে তেওঁ তাৰকাগৰাকীক শাসন কৰিব বিচাৰে। কপিলে কয়, "মই ভগৱানৰ ওচৰত প্ৰাৰ্থনা কৰিছো যাতে সি সোনকালে সুস্থ হৈ উঠে। মোৰ সন্তানৰ দৰে সি। পিতৃ-মাতৃৰ যিদৰে সন্তানক অনুশাসন কৰাৰ অধিকাৰ আছে, মই তেনেকৈয়ে তাক চৰ মাৰি জীৱনৰ বিষয়ে শিকাব বিচাৰো।’’
উল্লেখ্য যে যোৱা বছৰৰ ৩০ ডিচেম্বৰত পণ্টে এক দুৰ্ঘটনাৰ সন্মুখীন হৈছিল। তেতিয়াৰ পৰাই তেওঁ চিকিৎসালয়ত আছে। দুটাকৈ অস্ত্ৰোপচাৰো কৰা হৈছে পণ্টৰ। এতিয়া আৰোগ্যৰ পথেৰে আগবাঢ়িছে তাৰকাগৰাকী।
Continue Reading
