ঋতু পৰিৱৰ্তনৰ লগে লগে আৰম্ভ হৈছে ডিঙি বিষ, ঘৰতে মৌ, হালধি, আদাৰে প্ৰস্তুত কৰক এক যাদুকৰী মিশ্ৰণ, তৎক্ষণাত পাব সকাহ

ডিজিটেল ডেস্ক : শীতৰ আগমন। কালী পূজাৰ পাছত এই ঋতু পৰিৱৰ্তনৰ সময়ত স্বাস্থ্যজনিত বহুতো সমস্যাত ভুগিবলগীয়া হয়। বিশেষকৈ ডিঙিৰ বিষ বা মৃদু কাহ বহুতৰে হোৱা দেখা যায়। যদি আপুনি এনে সমস্যাৰ পৰা তৎক্ষণাত সকাহ পাব বিচাৰে তেন্তে আপুনি এই ঘৰুৱা দৰব ব্যৱহাৰ কৰিব পাৰে।

 এচামুছ হালধি গুড়ি, ১/২ চামুছ শুকান আদা গুড়ি আৰু ১/৪ চামুছ যষ্টিমধু গুড়ি আৰু ১/২ চামুছ মৌ ল’ব। এই সকলোবোৰ উপাদান ভালদৰে মিহলাই ল’ব। এই মিশ্ৰণটো পুৱা খালী পেটত আৰু নিশা শোৱাৰ আগতে সেৱন কৰিব লাগে। এই মিশ্ৰণ দিনটোত দুবাৰ খাব পাৰে। কিন্তু প্ৰতিদিনে খোৱা ভাল নহয়, সমস্যা হ’লেহে খাব লাগে। এমাহত ৪-৫ দিনতকৈ বেছি খাব নালাগে। ৫ বছৰৰ ওপৰৰ শিশুক দিব পাৰে, মাত্ৰ আপুনি খোৱা পৰিমাণৰ আধাখিনিহে দিব।

 কেনেদৰে উপকাৰ পাব-

এই মিশ্ৰণে ৰোগ প্ৰতিৰোধ ক্ষমতা বৃদ্ধি কৰাত সহায় কৰে। এই মিশ্ৰণত এন্টি-অক্সিডেন্ট, এন্টিভাইৰেল, এন্টিবেক্টেৰিয়েল, এন্টি-ইনফ্লেমেটৰী পোৱা যায়। ইয়াৰ উপৰি ইয়াত মেটাবলিজম বৃদ্ধি কৰাত সহায় কৰে। তদুপৰি শুকান কাহ আৰু এলাৰ্জী কমোৱাতো ই অতি সহায়ক।

 তদুপৰি যিসকল লোকৰ অলপতে ঠাণ্ডা লাগে, তেওঁলোকে পুৱা বা নিশা বাহিৰলৈ ওলাই যাওঁতে ডিঙিত পাতল কপাহী গামোচা ব্যৱহাৰ কৰিব লাগে। এতিয়া ঠাণ্ডা পানী সলনি গৰম পানী খাবলৈ আৰু গা ধুবলৈ ব্যৱহাৰ কৰিব পাৰে। ডিঙি বিষৰ পৰা উপশম পাবলৈ গাৰ্গল কৰিব পাৰে।