ডিজিটেল ডেস্কঃ আইৰিছ অভিনেতা ৰে ষ্টিভেনছন আৰু নাই। বিশ্বজুৰি জনপ্ৰিয়তাৰ ঢৌ তুলিবলৈ সত্ৰম হোৱা RRR চিনেমাখনৰ খলনায়কৰ চৰিত্ৰত অভিনয় কৰা ৰে ষ্টিভেনছনৰ মৃত্যুৰ বাতৰিয়ে কন্দুৱাইছে অনুৰাগীক। মাত্ৰ ৫৮ বছৰ বয়সতে জীৱন নাটৰ যৱনিকা পেলালে এইগৰাকী এইগৰকী সুদক্ষ অভিনেতাই।
আৰ আৰ আছ ছবিখনত ৰে ষ্টিভেনছনে স্কট বাক্সটনৰ চৰিত্ৰত অভিনয় কৰি সকলোৰে সমাদৰ লাভ কৰিবলৈ সক্ষম হৈছিল। অভিনয় দক্ষতাৰে তেওঁ এগৰাকী কুখ্যাত ব্ৰিটিছ গৱৰ্ণৰৰ চৰিত্ৰ তুলি ধৰিছিল।
উল্লেখ্য যে এছ এছ ৰাজামৌলিৰ নিৰ্দেশনাত অভিনয় কৰা তেওঁৰ এইখন আছিল প্ৰথমখন ভাৰতীয় চিনেমা। এইগৰাকী সুদক্ষ অভিনেতাৰ বিয়োগত আৰ আৰ আৰ চিনেমাৰ পৰিচালক এছ এছ ৰাজামৌলিয়েও শোক প্ৰকাশ কৰিছে।
ৰাজামৌলিয়ে টুইটাৰত এখন ফটো আপলোড কৰি অভিনেতাগৰাকীৰ আত্মাৰ চিৰশান্তি কামনা কৰিছে। ইয়াৰ লগতে আৰ আৰ আৰ টীমেও অভিনেতাগৰাকীৰ মৃত্যুত গভীৰ শোক প্ৰকাশ কৰিছে।
এই বয়সতো তেওঁ কিদৰে বিভিন্ন ষ্টাণ্ট কৰিবলৈ অলপো কুণ্ঠাবোধ কৰা নাছিল সেই কথা এতিয়া সকলোৱে স্মৰণ কৰিছে।অভিনেতাগৰাকীৰ মৃত্যু কিদৰে হৈছে সেই সম্পৰ্কে এতিয়ালৈকে কোনো আনুষ্ঠানিক বিবৃত্তি প্ৰকাশ পোৱা নাই।
Continue Reading
