ডিজিটেল ডেস্ক: দেশৰ এখন ৰাজ্য চৰকাৰে জাৰি কৰিছে নতুন নিয়ম৷ কেনসহ মিঠাইৰ ওজন কৰিলে সাৱধান হ’ব লাগিব মিঠাই বিক্ৰেতা৷ কিয়নো, মিঠাই বিক্ৰী কৰোঁতে গ্ৰাহকক প্ৰবঞ্চনা কৰিলে যদি ধৰা পৰে পৰিমাপ বিভাগে বিহিব ৫০,০০০ টকাপৰ্যন্ত জৰিমনা৷
হয়, উত্তৰ প্ৰদেশ চৰকাৰে গ্ৰহণ কৰিছে এই নতুন পদক্ষেপ। দীপাৱলীৰ সময়ত দোকানীসকলে ডাঠ কাৰ্ডবোৰ্ডেৰে মিঠাইৰ বাকচ তৈয়াৰ কৰে। যাৰ ওজন দুশৰ পৰা ২৫০ গ্ৰামলৈকে হোৱা দেখা যায়। দোকানীসকলে কেনৰ ওজনৰ সৈতে মিঠাইৰ ওজন কৰে, আনহাতে নিয়ম অনুসৰি, বাকচৰ ওজনৰ সমান মিঠাই দিব লাগে।
ভিৰৰ সুবিধা লৈ দোকানীসকলে গ্ৰাহকক বিপথে পৰিচালিত কৰা দেখা যায়৷ ইয়াৰ উপৰি বহুলোকে দীপাৱলীত উপহাৰস্বৰূপে শুকান ফলৰ বাকচ দিয়ে। দোকানীয়ে শুকান ফলৰ যিটো ওজন কয়, তাত বাকচৰ ওজনো অন্তৰ্ভুক্ত থাকে।
উত্তৰ প্ৰদেশ চৰকাৰে পৰিমাপ বিভাগৰ বিষয়াসকলক পৰীক্ষা আৰম্ভ কৰিবলৈ আৰু গ্ৰাহকক সজাগ কৰিবলৈ নিৰ্দেশ দিছে। বিভাগে কয়, মিঠাই আৰু শুকান ফল ক্ৰয় কৰোঁতে, প্ৰথমে বাকচটো ওজন কৰক আৰু মিঠাই আৰু শুকান ফলবোৰ ইয়াৰ সমান ওজন কৰক। ম্যাদ উকলি যোৱা তাৰিখ ইত্যাদি পৰীক্ষা কৰক। যদি দোকানী এজনে নিয়মটো অনুসৰণ নকৰে, তেওঁ ৰাজহুৱা শুনানি পৰ্টেলত ইয়াৰ বিষয়ে অভিযোগ কৰা উচিত।
Continue Reading
