ডিজিটেল ডেস্কঃ হাতৰ আঙুলিত দেখা দিয়া এক বিশেষ লক্ষণৰ পৰা তিনিটা মাৰাত্মক ৰোগৰ বিষয়ে ধাৰণা কৰিব পাৰি৷ বিশেষজ্ঞসকলৰ মতে আঙুলি, হাত বা মণিবন্ধ প্ৰায়ে ফুলি থকাটো আন ৰোগৰ লক্ষণ হ’ব পাৰে৷ এনেদৰে হাতৰ আঙুলি বা হাত আদি ফুলাক যাক ইডেমা বুলি কোৱা হয়৷ ই বৃক্কৰ ৰোগ, যকৃতৰ ৰোগ বা হৃদযন্ত্ৰৰ বিকলতাৰ পূৰ্ব লক্ষণ হ’ব পাৰে।
ৰোগৰ স্থিতি চিনাক্ত কৰাৰ এটা সহজ উপায় হ'ল ইয়াৰ লক্ষণবোৰ চিনাক্ত কৰা। কেমিষ্ট ক্লিকৰ অধীক্ষক ফাৰ্মাচিষ্ট আব্বাছ কানানীয়ে এটা নিৰ্দিষ্ট লক্ষণৰ কথা কৈছে৷ এই লক্ষণে তিনিটা ৰোগক সূচিত কৰিব পাৰে। এই লক্ষণটো সাধাৰণতে হাতৰ আঙুলি আৰু ভৰিৰ আঙুলিত দেখা যায়। আঙুলিত দেখা দিয়া সেই লক্ষণ হৈছে ফুলা৷ আঙুলি ফুলি থাকিলে তিনিটা ৰোগৰ পূৰ্ব জাননী হ’ব পাৰে বুলি কানানীয়ে কয়৷ তেওঁ কয় যে আঙুলি ফুলিলে এই তিনিবিধ ৰোগ হ’ব পাৰে-
বৃক্কৰ ৰোগ
আঙুলি ফুলিলে বৃক্কৰ ৰোগ হোৱাৰ আশংকা থাকে৷ বৃক্তই শৰীৰত তৰলৰ ভাৰসাম্য বজাই ৰখা আৰু শৰীৰৰ পৰা আৱৰ্জনা আঁতৰ কৰাত গুৰুত্বপূৰ্ণ ভূমিকা পালন কৰে। বৃক্কৰ ৰোগৰ এটা লক্ষণ হৈছে আঙুলি ফুলা৷ আন কিছুমান লক্ষণ হৈছে প্ৰস্ৰাৱৰ পৰিমাণ হ্ৰাস, ভাগৰ লগা, ওকালি অহা, বমি আৰু প্ৰস্ৰাৱত তেজ যোৱা আদি।
যকৃতৰ ৰোগ
কাননীয়ে কৈছিল যে যকৃতৰ ৰোগৰ ফলত প্ৰ'টিনৰ উৎপাদন হ্ৰাস হয় । আঙুলি, ভৰি আদি ফুলাটো যকৃতৰ ৰোগৰ এক লক্ষণ৷ আন কিছুমান লক্ষণ হৈছে ছাল আৰু চকু হালধীয়া হোৱা (জণ্ডিচ), পেটৰ বিষ , হাতৰ তলুৱা আৰু ভৰিৰ তলুৱাত খজুৱতি আৰু গাঢ় ৰঙৰ প্ৰস্ৰাৱ ।
হৃদযন্ত্ৰৰ বিকলতা
কানানীয়ে কয় হাঁওফাঁও আৰু অন্যান্য কোষকলাত তৰল জমা হ'ব পাৰে৷ এনে ক্ষেত্ৰত হৃদযন্ত্ৰই কাৰ্যকৰীভাৱে তেজ পাম্প কৰিব নোৱাৰে যাৰ ফলত হৃদযন্ত্ৰ বিকল হ’ব পাৰে। এনে পৰিস্থিতিত আঙুলি ফুলিব পাৰে৷ হৃদযন্ত্ৰ বিকল হোৱাৰ আন কিছুমান লক্ষণ হৈছে উশাহ চুটি হোৱা, নিৰন্তৰ কাহ, দ্ৰুত বা অনিয়মীয়া হৃদস্পন্দন, ভাগৰ লগা আৰু দুৰ্বলতা বোধ কৰা।
Continue Reading
