ডিজিটেল ডেস্ক: ভাৰতত বৃদ্ধি পাইছে ক’ভিডৰ সংক্ৰমণ৷ আজি নতুনকৈ সংক্ৰমিত হৈছে ৯,১১১গৰাকী লোক৷ এদিনতে মৃত্যু হৈছে ২৭জন লোকৰ৷
কেন্দ্ৰীয় স্বাস্থ্য মন্ত্ৰালয়ে সোমবাৰে কয় যে ভাৰতে দৈনিক কোভিড-১৯ত আক্ৰান্তৰ সংখ্যা সামান্য হ্ৰাস পাইছে যদিও আজি ৯,১১১গৰাকী লোক নতুনকৈ সংক্ৰমিত হৈছে৷
দেওবাৰে দেশত ১০,০৯৩গৰাকী লোক সংক্ৰমিত হৈছে ক’ভিডত। দৈনিক পজিটিভিটীৰ হাৰ ৮.৪০% আৰু সাপ্তাহিক পজিটিভিটীৰ হাৰ ৪.৯৪ শতাংশ৷
সক্ৰিয় ৰোগীৰ সংখ্যাই ৬০ হাজাৰৰ ঘৰ অতিক্ৰম কৰিছে৷ বৰ্তমান সক্ৰিয় ৰোগীৰ সংখ্যা ৬০,৩১৩গৰাকী৷ দেশত মুঠ সক্ৰিয় ৰোগীৰ সংখ্যা হৈছে মুঠ সংক্ৰমণৰ ০.১৩ শতাংশ৷
স্বাস্থ্য মন্ত্ৰণালয়ৰ তথ্য অনুসৰি, ২৪ ঘণ্টাত ২৭জন লোকৰ মৃত্যু হোৱাৰ খবৰ পোৱা গৈছে, যাৰ ভিতৰত গুজৰাটত ছয়জন, উত্তৰ প্ৰদেশৰ চাৰিজন, ৰাজস্থান আৰু দিল্লীৰ পৰা তিনিজন, মহাৰাষ্ট্ৰৰ দুজন আৰু তামিলনাডু, কেৰালা, ছত্তীশগড়, ঝাৰখণ্ড, বিহাৰ আৰু হিমাচল প্ৰদেশৰ এজনকৈ লোকৰ মৃত্যু হৈছে।
Continue Reading
