ডিজিটেল ডেস্কঃ জাৰ্নেল অৱ মেডিকেল মাইক্ৰ’বায়’লজীত প্ৰকাশিত এক গৱেষণাৰ মতে যদি কোনোবাই দিনটোত তিনিবাৰকৈ ৩ মাহ ধৰি অবিৰতভাৱে মাউথৱাছ ব্যৱহাৰ কৰে তেন্তে মুখত দুবিধ বেক্টেৰিয়া বাঢ়ি যায়। ফুচ’বেক্টেৰিয়াম নিউক্লিয়েটাম আৰু ষ্ট্ৰেপ্ট’ক’কাছ এঞ্জাইনোছাছ আৰু এই দুয়োটা বেক্টেৰিয়া কেন্সাৰৰ কাৰণ।
সাধাৰণতে মাউথৱাছত অধিক পৰিমাণৰ এলক’হল আৰু ফ্ল’ৰাইড থাকে, এই দুটা উপাদানৰ পৰিমাণ বেছি হ’লে বিপদজনক হ’ব পাৰে। মাউথৱাছত কৃত্ৰিম উপাদানও থাকিব পাৰে যিয়ে কেন্সাৰৰ সম্ভাৱনা বৃদ্ধি কৰে।
এইটোৱেই একমাত্ৰ অধ্যয়ন নহয় যিয়ে মাউথৱাছক কেন্সাৰৰ প্ৰধান কাৰণ বুলি গণ্য কৰে, এই দাবী ইয়াৰ পূৰ্বেও আন বহু অধ্যয়নত কৰা হৈছে। ২০১৬ চনত নেচনেল লাইব্ৰেৰী অৱ মেডিচিনত প্ৰকাশিত এক গৱেষণাৰ মতে নিয়মিতভাৱে মাউথৱাছ ব্যৱহাৰ কৰা লোকসকলৰ মূৰ আৰু ডিঙিৰ কৰ্কট ৰোগ হোৱাৰ সম্ভাৱনা কেতিয়াও মাউথৱাছ ব্যৱহাৰ নকৰা লোকতকৈ বেছি।
