ডিজিটেল ডেস্ক: চৰ্চালৈ আহিছে বেংগালুৰুৰ এগৰাকী চৰকাৰী বিদ্যালয়ৰ শিক্ষকৰ চাঞ্চল্যকৰ কাৰ্য। শাৰীৰিক শিক্ষাৰ সময়ত যোৱা তিনিমাহত ১৫ গৰাকী কন্যা ছাত্ৰীক যৌন নিৰ্যাতন চলাইছিল শিক্ষকগৰাকীয়ে। বৰ্তমান আৰক্ষীয়ে তেওঁক গ্ৰেপ্তাৰ কৰিছে।
বেংগালুৰু আৰক্ষীয়ে জনোৱা মতে, হেব্বলৰ চৰকাৰী বিদ্যালয়ৰ শিক্ষক অঞ্জনাপ্পাই শাৰীৰিক শিক্ষাৰ শ্ৰেণীৰ সময়ত ছাত্ৰীক অনুচিতভাৱে স্পৰ্শ আৰু নিৰ্যাতন চলাইছিল।এই কথাটো চৰ্চালৈ আহিছিল যেতিয়া অষ্টম আৰু নৱম শ্ৰেণীৰ ছাত্ৰ-ছাত্ৰীয়ে শিক্ষকগৰাকীৰ এই জঘন্য কামৰ বিষয়ে পিতৃ-মাতৃক জনাইছিল।
ইয়াৰ পাছত অভিভাৱকসকলে এই তথ্য বিদ্যালয়খনৰ প্ৰধান শিক্ষকক দিয়ে। এই সন্দৰ্ভত প্ৰধান শিক্ষকে আভ্যন্তৰীণ তদন্ত কৰে। তদন্তত ছাত্ৰ-ছাত্ৰীসকলে অভিযোগ কৰে যে উক্ত শিক্ষকে দুপৰীয়াৰ আহাৰ গ্ৰহণ আৰু শাৰীৰিক শিক্ষাৰ ক্লাছৰ সময়ত অনুচিতভাৱে স্পৰ্শ কৰিছিল। শিক্ষকগৰাকীৰ বিৰুদ্ধে উত্থাপিত অভিযোগ নিশ্চিত কৰাৰ পাছত মঙলবাৰে প্ৰধান শিক্ষকে অভিযুক্তৰ বিৰুদ্ধে আৰক্ষীৰ এজাহাৰ দাখিল কৰে। POCSO আইন আৰু অন্যান্য ধাৰাত গোচৰ ৰুজু কৰি আৰক্ষীয়ে গ্ৰেপ্তাৰ কৰিছে শিক্ষকজনক।
আৰক্ষীয়ে জনোৱা মতে, অভিযুক্ত অঞ্জনাপ্পাক ধাৰা ৮ৰ অধিনত যৌন নিৰ্যাতনৰ বাবে তিনি বছৰৰ পৰা পাঁচ বছৰৰ শাস্তি প্ৰদান কৰিছে। আৰু ধাৰা ১২ৰ আধিনত যৌন নিৰ্যাতনৰ বাবে তিনি বছৰ পৰ্যন্ত শাস্তি আৰু জৰিমনা আৰু আই.পি.চি.এ ধাৰা ৩৫৪ৰ অধীনত গোচৰ পঞ্জীয়ন কৰা হৈছে ।
Continue Reading
